Մինչև առավոտյան ժամը 7-ը քար ենք կրել
«Սուրմալու» առևտրի կենտրոնի փլատակների տակ մնացածներին դուրս բերելու ուղղությամբ կատարվող աշխատանքի տեմպից տուժածների հարազատները գոհ չեն։ Մասնավորապես, պայթունի պահին 5-ամյա աղջկա հետ առևտրի կենտրոնի տարածքում գտնված և մինչև հիմա չհայտնաբերված հղի կնոջ բարեկամը լրագրողների հետ զրույցում նշեց, որ մինչև առավոտյան ժամը 7-ը քար են կրել։«Էս թևում միայն մեկ կռան է եղել, առավոտյան ժամը 5-ից հետո միայն տեխնիկա է եկել»-լրագրողների հետ զրույցում նշեց մինչև հիմա որոնվող Խաչատրյան Մարիամի և Խաչատրյան Սիրարփիի հորեղբայրը՝ հավելելով, որ նրանց հետ է նաև մեկի 5-ամյա աղջնակը։
