Ռուսաստանը առանց միջուկային զենքի էլ գործը գլուխ կբերի, տիրապետում է զենքի ամենաժամանակակից տեսակներին
Բելառուսի նախագահ Ալեքսանդր Լուկաշենկոն ասել է, որ Ռուսաստանն ունի ամենաժամանակակից տեսակի զինատեսակներ և առանց միջուկային զենքի էլ գործը գլուխ կբերի Ուկրաինայի հետ դիմակայությունում:«Մի քանի օր առաջ, երբ Ռուսաստանը Ղրիմի կամրջին ի պատասխան գերճշգրիտ հարվածներ հասցրեց Ուկրաինային, նկատեցիք, որ սա ուժ է: Եվ շատ արժանի ուժ: Բայց սա դեռ ամենը չէ:
Ռուսաստանը, վստահ եմ, տիրապետում է զենքի ամենաժամանակակից տեսակներին: Եվ միջուկային զենքի կարիք չկա: Ռուսաստանը առանց միջուկային զենքի էլ գործը գլուխ կբերի»,- ասել է Լուկաշենկոն NBC-ին տված հարցազրույցում:
