Տեսանյութ.Արհեստական արգանդը կփոխի շատ մարդկանց կյանքը, ովքեր չեն կարող հղիանալ
Մոտ հարյուր տարի ամբողջ աշխարհում ծնելիության մակարդակը նվազում է: Դրա հետևանքով մենք այժմ բախվում ենք այն բանին, ինչը գիտնականներն անվանում են «անպտղության համաշխարհային ճգնաժամ»: Սակայն այս խնդրի հնարավոր լուծումն արդեն հորիզոնում է՝ արհեստական արգանդներ։2017 թվականին գիտնականները ստեղծել են այսպես կոչված «կենսապարկ» (BioBag), որն աշխատում էր արհեստական արգանդի նման և որի օգնությամբ նրանց հաջողվել է գառ մեծացնել։
Այժմ, ինչպես գրում է Science and Stuff-ը, ներկայացվել է նոր հայեցակարգ, թե ինչպես անել նույնը մարդկանց հետ: Իր վերջերս հրապարակված տեսանյութում Հաշեմ Ալ Ղաիլին ցույց է տվել, թե ինչպիսին կարող է լինել ապագայում երեխաներ ունենալու գործընթացը։ Նա մշակել է արհեստական արգանդում աճող երեխաների ինկուբատորի գաղափարը, որը կոչվում է EctoLife:
Science and Stuff-ին տված բացառիկ հարցազրույցում Ալ Ղաիլին ասել է, որ կարծում է, որ EctoLife հայեցակարգը կարող է մի օր փոխարինել երեխաներ ունենալու ավանդական գործընթացին:Եթե դա տեղի ունենա, ասել է Ալ Ղաիլին, հասարակությունը վերջապես կկարողանա բավարարել այն ծնողների կարիքները, որոնք «հոգնել են որդեգրման գործակալությունների պատասխանին սպասելուց» և նրանց, ովքեր «անհանգստացած են հղիության հնարավոր բարդություններից»:
Ըստ նրա՝ EctoLife-ը թույլ կտա ուղղակիորեն զբաղվել անպտղության ճգնաժամով:
Առողջապահության համաշխարհային կազմակերպության տվյալներով՝ ամբողջ աշխարհում վերարտադրողական տարիքի զույգերի 15%-ը ներկայում անպտուղ է: Վերջին 70 տարվա ընթացքում ծնելիության մակարդակն ամբողջ աշխարհում նվազել է 50%-ով։ Այս անկման պատճառներն են (ի թիվս այլ բաների) կանանց կրթության բարձր մակարդակը, զբաղվածության աճը, երեխաների դաստիարակության բարձր ծախսերը և սպերմատոզոիդների քանակի նվազումն ամբողջ աշխարհում: 23 երկիր արդեն վտանգի տակ է, որոնց թվում են այնպիսի երկրներ, ինչպիսիք են Ճապոնիան, Իսպանիան, Պորտուգալիան, Թաիլանդը և Հարավային Կորեան:
Ըստ Ալ Ղաիլիի՝ EctoLife-ի հայեցակարգը արմատապես կփոխի շատ մարդկանց կյանքը, ովքեր չեն կարող ինքնուրույն երեխա հղիանալ:
«Սա իդեալական լուծում է այն կանանց համար, որոնց արգանդը հեռացրել են քաղցկեղի կամ այլ հիվանդությունների պատճառով: Այն նաև կօգնի լուծել սերմնահեղուկի անբավարար քանակի պատճառով առաջացած խնդիրները», - բացատրել է Ալ Ղաիլին:
