Տեսանյութ .Հայազգի Հովհաննես Բաչկովը ուժգին ու ջարդող հարվածներով 5:0 հաշվով հաղթեց թուրք մրցակցին

Հովհանես Բաչկովը 2-րդ հաղթանակը տոնեց աշխարհի առաջնությունում։ 1/8 եզրափակիչում գյումրեցի մարզիկը մրցեց թուրք Կագան Կանլիի հետ։ Մրցակիցը ակտիվ սկսեց մենամարտը, բայց Բաչկովը իրեն հատուկ ուժգին ու ջարդող հարվածներով շատ արագ կանգնեցրեց թուրք մրցակցի առաջխաղացումը ու սկսեց իր կամքը թելադրել։

 

Երկրորդ ռաունդում աշխարհի գործող բրոնզե մեդալակիրը ավելի տոտալ մենամարտ անցկացրեց ու մեծացրեց առավելությունը։ 3-րդ ռաունդում թեև թուրք մարզիկը մի փոքր ակտիվացավ, բայց դա չխանգարեց Բաչկովին մենամարտը հասցնել հաղթական ավարտին։ Մեր մարզիկը 1/4 եզրափակիչում է և ևս մեկ հաղթանակ տոնելու դեպքում կապահովի առնվազն բրոնզե մեդալ։