Էրդողանի հետ հանդիպումը չի կայանա քանի դեռ թուրքական զորքերը Սիրիայում են
Սիրիայի նախագահ Բաշար ալ-Ասադը բացառել է Թուրքիայի առաջնորդ Ռեջեփ Թայիփ Էրդողանի հետ բանակցությունների հնարավորությունը այն պայմաններում, երբ թուրքական զորքերը գտնվում են Սիրիայի տարածքում։Այս մասին նա հայտարարել է Sky News Arabia-ին տված հարցազրույցում։
«Թուրքիայի նախագահ Ռեջեփ Թայիփ Էրդողանի հետ հանդիպումը չի կայանա այն պայմաններով, որոնք ներկայացնում է Անկարան»,- ընդգծել է նա։ «Նրա հետ բանակցություններ սկսելը ներկա իրավիճակում կնշանակի Թուրքիայի կողմից Սիրիայի հյուսիսային շրջանների օկուպացիայի ճանաչում»,-ասել է Ասադը։
