Թե ինչու ոչ ոք ՆԱՏՕ-ում չի սպասում Հայաստանին, և թե ինչու նա դուրս չի գա ՀԱՊԿ-ից
![](https://www.aysor.am/news_images/724/2171818_1/5858.thumb.jpg)
«ՆԱՏՕ-ին անդամակցելու հարցը Երևանի և Բրյուսելի, Երևանի և Վաշինգտոնի օրակարգում չկա, քանի որ բոլորն իրենց աչքի առաջ ունեն Վրաստանի փորձը, Ուկրաինայի փորձը»,- նշել է փորձագետը։
ՀԱՊԿ-ից դուրս գալու հարցը, ըստ նրա, հասարակական-քաղաքական դիսկուրսի մակարդակում չկա, սակայն բոլոր ցուցանիշներն ու միտումները վկայում են այն մասին, որ Հայաստանը շարունակելու է նվազեցնել իր մասնակցությունը ՀԱՊԿ-ին։ «Հայաստանի կողմից հանդիպումները բոյկոտելուց, քվոտայից հրաժարվելուց, խաղաղապահ գործողություններին մասնակցելուց կամ իր տարածքում զորավարժություններ անցկացնելուց հրաժարվելուց հետո հաջորդ քայլը կարող է լինել ՀԱՊԿ մարմինների աշխատանքների խոչընդոտումը։ Մինսկում ասվել է, որ Հայաստանը դեռ դա չի անում, բայց հետագայում, եթե Երևանը շարունակի նման ընթացքը, դա կլինի հաջորդ քայլը»,- հավելել է Մելքոնյանը։