Մենք ամբողջ աշխարհին ցույց կտանք, որ Աբասը մեր խորհրդարանում խոսելու նույն իրավունքն ունի, ինչ Նեթանյահուն անում է ԱՄՆ-ում
Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը կձգտի պատասխանատվության ենթարկել Իսրայելին Գազայի հատվածում կատարված հանցագործությունների համար և թույլ չի տա, որ նա «հրկիզի տարածաշրջանը»։«Մենք կդիմադրենք տարածաշրջանը հրկիզելու Իսրայելի փորձերին: Իսրայելը, որը ցեղասպանություն է իրագործում Գազայում, պատասխանատվության կենթարկվի»,-ասել է Էրդողանը իշխող «Արդարություն և զարգացում» կուսակցության հիմնադրման արարողության ժամանակ, փոխանցում է ՏԱՍՍ-ը։
Էրդողանը նաև ասել է, որ Պաղեստինի նախագահ Մահմուդ Աբասը հինգշաբթի ելույթ կունենա Թուրքիայի խորհրդարանում։ Հանրապետության օրենսդիր ժողովը այս օրը գումարվում է արտահերթ ժողով՝ ի պաշտպանություն Պաղեստինի։ «Աբասն այսօր մեր հյուրն է լինելու, իսկ վաղը նա ելույթ կունենա խորհրդարանում:
Նա աշխարհին կհայտարարի Պաղեստինի ազատության համար պայքարի մասին: Մենք ամբողջ աշխարհին ցույց կտանք, որ Աբասը մեր խորհրդարանում խոսելու նույն իրավունքն ունի, ինչ Իսրայելի վարչապետը՝ Բենիամին Նեթանյահուն անում է ԱՄՆ-ում»,- ասել է Թուրքիայի նախագահը։
