Մենք պետք է ընտրենք ամենակեր դառնալը, չեմ ուզում ագրեսիվ դառնալ, պարզապես ուզում եմ իմանանք ինչպես պաշտպանվել
Եվրոպան այլևս չի կարող աշխարհի «բուսակերը» լինել և փոխարենը պետք է «ամենակեր» դառնա. այս մասին, Politico-ի փոխանցմամբ, ասել է Ֆրանսիայի նախագահ Էմանուել Մակրոնը Բուդապեշտում եվրոպական քաղաքական համայնքի հավաքի ժամանակ։ «Ինձ համար պարզ է. աշխարհը կազմված է բուսակերներից և մսակերներից։ Եթե մենք որոշենք մնալ բուսակեր, ապա մսակերները կհաղթեն, և մենք նրանց համար շուկա կդառնանք: Կարծում եմ, որ մենք պետք է ընտրենք ամենակեր դառնալը: Չեմ ուզում ագրեսիվ դառնալ, պարզապես ուզում եմ իմանանք ինչպես պաշտպանվել»,-ասել է նա եվրոպացի առաջնորդներին Բուդապեշտում կայացած հավաքի ժամանակ։
