Նոր Նորքի թաղապետը չպետք է պաշտոնավարի, բայց որոշումը Հանրապետություն կուսակցությունը պետք է ընդունի
Նոր Նորքի թաղապետը չպետք է պաշտոնավարի, բայց այդ որոշումը «Հանրապետություն» կուսակցությունը պետք է ընդունի:Այս մասին ԱԺ-ում՝ լրագրողների հետ զրույցում, ասել է ԱԺ նախագահ Ալեն Սիմոնյանը:
«Իմ կարծիքով «Հանրապետություն» կուսակցությունը, եթե հետևություն չարեց և իր վրա քաղաքական պատասխանատվություն չվերցրեց, ինչպես մի 6 ամիս առաջ բարձր արդյունքներ գրանցեց և վստահություն ստացավ ժողովրդից, դրա հակառակն է ստանալու: Իրենք մեր գործընկերներն են, մենք իրենց հարգալից ենք վերաբերվում, բայց միևնույն ժամանակ քաղաքական պատասխանատվություն վերցնելու համարձակություն է պետք: Այդ համարձակությունը, եթե իրենք դրսևորեն, ապա դա միայն դրական բան կբերի հաջորդ ընտրությունների ժամանակ»,-ասել է Սիմոնյանը:
