18:00 - Լուկաշենկոն Ուկրաինան անվանել է «Եվրոպայի ընդհանուր դժբախտությունը»         17:21 - «Փորձել են վնասել երեխաների՞ն».ով է Էջմիածնում թափառող շների սպանդ իրականացրել      16:57 - Ոստիկանությունը՝ Իջևանի դեպքերի մասին. Գիշերային ժամերին ձերբակալում    

28 հուն 2018 21:40

«Նուբարաշեն» ՔԿՀ-ում մկրտվել է ցմահ դատապարտյալը

«Նուբարաշեն» ՔԿՀ-ում մկրտվել է ցմահ դատապարտյալըՄկրտությունը և դրոշմը աստվածային խորհուրդներ են և մաս են կազմում մի ընդհանուր, մեծ խորհրդի, որը ժողովրդի մեջ ընդունված է անվանել կնունք: Ըստ եկեղեցու ընկալման՝ ջրի մեջ մտնելը խորհրդանշում է Քրիստոսի հետ մեռնելը, իսկ ջրից դուրս գալը Քրիստոսի հետ հարություն առնելն ու նոր կյանք սկսելն է: Մկրտությունը վերստին ծնունդ է եկեղեցու սուրբ ավազանից, որով մկրտվողը դառնում է քրիստոնյա, նոր ուխտի զավակ և քրիստոնեական եկեղեցու անդամ:
Հոգևոր այս մեծ խորհուրդը դատապարտյալների ցանկությամբ իրականացվում է նաև ՀՀ ԱՆ քրեակատարողական հիմնարկներում:
Հունիսի 27-ին «Նուբարաշեն» քրեակատարողական հիմնարկում կայացավ ցմահ ազատազրկման դատապարտված Ա. Մ.-ի մկրտության արարողությունը: Դատապարտյալ Ա. Մ.-ն մկրտվեց քրեակատարողական հիմնարկների հոգևոր առաջնորդ Տեր Ռուբեն վարդապետ Զարգարյանի և ցմահ դատապարտյալների հոգևոր հովիվ Տեր Գրիգոր քահանա Հովհաննիսյանի ձեռամբ:
Արարողությանը ներկա էին նաև դատապարտյալի հարազատները:


Մեկնաբանություններ

Համընկնող լուրեր