Ոչ մարտական կորուստ Ադրբեջանի զինված ուժերում
Հոկտեմբերի 20-ին հայտնի է դարձել, որ Թարթառի զորամասերից մեկում մահացել է Ադրբեջանի զինված ուժերի զինծառայող Ռազի Մուսթաֆալը Շաքիր օղլուն (Razi Şakir oğlu Mustafalı), գրում է «Ռազմինֆո»-ն՝ հղում անելով ադրբեջանական ընդդիմադիր «Մեյդան» լրատվակայքին։Զինծառայողը եղել է Բաքվի բնակիչ։ Հարազատները արդեն թաղել են նրան։ Մահվան հստակ պատճառը դեռ հայտնի չի, թեև մտերիմները հայտարարել են, որ նրան սպանել է դասակի հրամանատարը։
Ադրբեջանի պաշտպանության նախարարությունը որևէ հայտարարություն չի արել այս մասին։
Բաց աղբյուրների ուսումնասիրությունից հայտնի է դարձել 2018թ․ մահացած Ադրբեջանի բանակի և հարակից ուժային կառույցների 30 զինծառայողի մասին։
