Տեսանյութ.Իսկ ինչո՞ւ ես լեզուդ մտցրել․․․, բա բարձրաձայնիր այդ մասին, քննադատիր Պուտինին, վախենո՞ւմ ես. Լուկաշենկոն` Փաշինյանին
Բելառուսական լրատվամիջոցները շարունակում են հրապարակել հատվածներ երկրի ղեկավար Լուկաշենկոյի վերջին ասուլիսից սենսացիոն հատվածներ։ Այս անգամ համացանցում է հայտնվել մի հատված, որտեղ Լուկաշենկոն խոսել է Ադրբեջանին մատակարարվող զենքի մասով Հայաստանի բացասական վերաբերմունքի մասին․«Պուտինի ներկայությամբ, այնտեղ էր նաև Իլհամը, ես Նիկոլ Փաշինյանին ասացի՝ Նիկո′լ, արի վերջ տանք: Ո՞վ է Ադրբեջանի հետ զենքի վաճառքում առաջին տեղում՝ Ռուսաստանը, իսկ ինչո՞ւ ես լեզուդ մտցրել․․․, բա բարձրաձայնիր այդ մասին, քննադատիր Վլադիմիր Վլադիմիրովիչին, վախենո՞ւմ ես»,- ասել է Լուկաշենկոն:
Ալեքսանդր Լուկաշենկոն Փաշինյանին հիշեցրել է նաև, որ Ադրբեջանի հետ զենքի վաճառքում երկրորդ տեղում է Իսրայելը, հետ Թուրքիան: Եվ միայն չորրորդ կամ հինգերորդ տեղում է Բելառուսը, այն էլ հաշվի առնելով բելառուսական «Պոլոնեզ» համազարկային կրակի ռեակտիվ համակարգերը: Ամփոփելով Ալեքսանդր Լուկաշենկոն հավաստիացրել է. «Պոլոնեզները չլինեն, կլինենք տասներորդ տեղում: Այդ դեպքում ինչո՞ւ ես հարձակվում Բելառուսի վրա: Հարձակվում ես յուրայինների վրա, որ օտարները հասկակա՞ն: Եթե այդպես է ասա, ես ձայն չեմ հանի»:
