10:36 - 32 երկրի շուրջ 240 գիտնականներ կոչ են անում ԱՀԿ-ին վերանայել իր ցուցումները և ընդունել, որ ընդունել, որ կորոնավիրուսը փոխանցվում է օդով         10:16 - Նիկոլ Փաշինյանը նոր որոշում է ստորագրել      10:04 - Չինաստանում հիմա էլ բուբոնային ժանտախտն է գլուխ բարձրացրել    

15 հուն 2019 16:50

Վրաստանում «խոզագրիպից» 17 մարդ է մահացել

 
N1H1 վիրուսով (այսպես կոչված «խոզագրիպ») պայմանավորված բարդացումների հետեւանքով Վրաստանում մահացել է արդեն 17 մարդ: Այդ մասին հայտարարել է Հիվանդությունների եւ հանրային առողջության վերահսկողության ազգային կենտրոնի ղեկավար Ամիրան Գամկրելիձեն: Դրա հետ մեկտեղ, նրա խոսքով, գրիպով հիվանդացության ցուցանիշը վերջին շաբաթվա ընթացքում զգալիորեն նվազել է, տեղեկացնում է «Գրուզիա Online»-ը:
«Բարձրակետը դիտվել էր դեկտեմբերի վերջին շաբաթվա ընթացքում՝ 100 հազար բնակչի հաշվով՝ 277 դեպք: Բացի այդ, սուր շնչառական հիվանդություններով հոսպիտալացման ցուցանիշը 41 տոկոս է: Հունվարի երկրորդ շաբաթվա ընթացքում հիվանդացության ցուցանիշը կազմել է 100 հազար բնակչի հաշվով 253 դեպք: Բացի այդ, հոսպիտալացման ցուցանիշը կրճատվել է մինչեւ 31 տոկոս»,-հայտարարել  Գամկրելիձեն:
Նրա խոսքով՝ զգալիորեն կրճատվել է երեխաների հոսպիտալացման դեպքերի թիվը՝ 46 տոկոսից մինչեւ 26 տոկոս: Բացի այդ, պակասել են շտապ օգնության կանչերը եւ բուժհաստատություններ հիվանդների դիմելը: Հունվարի 14-ին հաղորդվել է, որ «խոզագրիպի» վիրուսով պայմանավորված բարդացումների հետեւանքով Վրաստանում 10-ամսական երեխա է մահացել:

Մեկնաբանություններ

Համընկնող լուրեր