12:48 - Մեր շանսը Վաշինգթոնում. վաղվա հանդիպումը կարող է շրջադարձային դառնալ ԼՂ կարգավորման փաշինյանական փուլի համար         12:27 - Հարված ադրբեջանցիներին՝ գոտկատեղից ցած.Ավիաընկերությունն Արցախն ընդգրկել է Հայաստանի կազմի մեջ      12:26 - Լարված իրավիճակ՝ Ռ. Քոչարյանին կողմ և դեմ ակցիաների մասնակիցների միջև. ՈՒՂԻՂ ՄԻԱՑՈՒՄ    

21 մայիս 2019 17:25

Տեսանյութ.Վեթինգ՝ բոլոր դատավորների նկատմամբ,այդ շրջանակում դատավորների ունեզրկումներ կլինեն

 
Պետք է տարանջատենք իրավական և քաղաքական գործընթացները: Լրագրողների հետ զրույցում այս մասին ասաց ՀՀ արդարադատության նախարար Արտակ Զեյնալյանը՝ պատասխանելով հարցին՝ արդյո՞ք վարչապետ Նիկոլ Փաշինյանն իրավունք ուներ դատարանների մուտքերը փակելու կոչ անել: «Սա քաղաքական գործընթաց էր, և ես չեմ շտապի գնահատականներ տալ: Պետք է տարբերակել իրավական գործընթացը քաղաքականից: Ժամանակը կգա, կտամ գնահատական»,- ասաց նա: Անդրադառնալով դատական համակարգում վեթինգի կիրառմանը՝ նախարարը նշեց, որ բոլորին է հայտնի դատական համակարգում կուտակված խնդիրների մասին, ուստի դրանք պետք է շուտափույթ լուծել: «Վեթինգն առաջին անգամ չէ, որ կիրառվում է աշխարհում: Այն կիրառվում է եվրոպական կառույցների հորդորով: Վեթինգը բոլոր դատավորների նկատմամբ է կիրառվելու՝ առանց խտրականության»,- նշեց Արտակ Զեյնալյանը: 

 Արտակ Զեյնալյանը չի բացառում, որ դատական համակարգը բարելավելու շրջանակում կիրառվող վեթինգի արդյունքում կարող են ունեզրկումներ լինել: Այս մասին նախարարն ասաց լրագրողների հետ զրույցում: «Այժմ մշակվում է անօրինական ճանապարհով ձեռք բերված գույքի մասին օրենքի նախագիծ: Այդ օրենքի շրջանակում կլինեն նաև քաղաքացիական վարույթներ բոլոր այն անձանց նկատմամբ, ովքեր կարող էին անօրինական գույք ձեռք բերել»,- ասաց նախարարը:
Մանրամասները՝ տեսանյութում: 


Մեկնաբանություններ

Համընկնող լուրեր