Ալեն Դելոնի որդին պատմել է գլխուղեղի կաթվածից հետո հոր առողջական վիճակի մասին

Հաղորդագրությունն ուղեկցվում է վիրահատությունից հետո արված լուսանկարով: Լուսանկարում նիհարած, բայց ժպտացող 83-ամյա դերասանը նստած է:
Ալեն Ֆաբիեն Դելոնը շնորհակալություն է հայտնել բոլորին՝ իրենց աջակցելու համար:
«Ինչպես տեսնում եք, Ալեն Դելոնն իրեն ավելի ու ավելի լավ է զգում։ Նա համբուրում է ձեզ բոլորիդ»,- գրել է նա:
Անցած հինգշաբթի Դելոնի ավագ որդին՝ Անտոնին, առաջին անգամ հայտնել էր, որ իր հայրը, որը մի քանի շաբաթ առաջ գլխուղեղի կաթված է տարել, ներկայում բուժում է անցնում Շվեյցարիայի կլինիկաներից մեկում:
Նա նաև հաղորդել էր, որ դերասանի վիճակը կայունացել է, և ոչ մի վտանգ չկա:
Ավելի ուշ հոր առողջական խնդիրների մասին խոսել էր նաև նրա դուստրը՝ Անուշկան: Նա հայտնել էր, որ Ալեն Դելոնը շնորհակալ է բոլոր նրանց, ովքեր աջակցել են նրան գլխուղեղի կաթված տանելուց հետո։
Դստեր խոսքով՝ Դելոնն արդեն մտածում է նոր գեղարվեստական նախագծերի մասին։ Անուշկան հավելել էր, որ իր հայրն ուղեղի կաթված է տարել, որն ուղեկցվել է սուր սուբդուրալ հեմատոմայով՝ ներգանգային շրջանում արյունազեղմամբ և արյան կուտակումով: