17:20 - 16-ամյա տղան 17-ամյա աղջկանից շորթել է 750 հազար դրամ՝չստանալու դեպքում նրա կիսամերկ լուսանկարները ցույց կտա նշանածին         16:52 - Տեսանյութ. Աննա Հակոբյանի խոսնակի պարզաբանումը՝ վարչապետի տիկնոջ ու Մեհրիբան Ալիևայի վերաբերյալ      16:27 - Մոսկվայի ավելի քան 10 դպրոցներ տարհանվել են պայթյունի սպառնալիքների մասին հաղորդագրություններից հետո    

18 հոկ 2019 14:04

Հայաստանը պատրաստ չէ դիմակայել երկրաշարժին. մասնագետները մտահոգ են

Դպրոցներում պետք է խորացնել աղետների դիմակայելուն վերաբերող գիտելիքները, քանի որ Հայաստանը դասվում է աշխարհի ամենաաղետավտանգ երկրների շարքը։ Իսկ Երևանը սեյսմակայունության առումով վտանգավոր վիճակում է: Այդ մասին են այսօր խոսում ԱԺ-ում՝  «Դիմակայուն Հայաստան» խորագրով խորհրդարանական լսումների ժամանակ, որը նվիրված է աղետների և ռիսկի նվազեցման միջազգային օրվան։ ԱԺ-ում ընթանում են  «Դիմակայուն Հայաստան» խորագրով խորհրդարանական լսումներ` նվիրված աղետների և ռիսկի նվազեցման միջազգային օրվան։ Ճգնաժամային կառավարման ակադեմիայի ռեկտոր Համլետ Մաթևոսյանը նշեց, որ երկրաշարժն աղետ չէ, այլ երկրաբանական երևույթ է։


«Երկրաշարժն աղետ է, եթե մենք խոցելի ենք։ Եթե խոցելի չենք` աղետալի հետևանքներ չենք ունենում։ Հետևաբար, խոսել միայն այն մասին, որ մեղավորը երևույթն է, վտանգը, որը մեր գլխին գալիս է, այնքան էլ ճիշտ չէ: Անիի ավերիչ երկրաշարժից 700 և Գյումրու երկրաշարժից 31 տարի անց էլ Հայաստանը պատրաստ չէ դիմակայել երկրաշարժին»։
Հրդեհների դեպքում ևս, մասնագետի համոզմամբ, առավել հաճախ աղետը պայմանավորված է մարդկային գործոնով։

Մասնագետները միակարծիք էին, որ եթե Երևանում 9 բալանոց երկրաշարժ լինի, քանի շենք կանգուն կմնա։

Ի դեպ, լսումների ընթացքում հայտարարվեց նաև, որ Հայաստանը դասվում է աշխարհի ամենաաղետավտանգ երկրների շարքին։
Ֆելիքս Ցոլակյանը նշեց՝ այսօր սեյսմակայունության առումով ամենաանվտանգը Գյումրին է: Իսկ Երևանում վտանգավոր են ոչ միայն երկրաշարժերը, այլև հրդեհները, քանի որ հրշեջ մեքենաները ժամանակին տեղ հասնել չեն կարող և չեն կարող նաև հաճախ բակեր մտնել:



Մեկնաբանություններ

Համընկնող լուրեր