Ռուսաստանում մոտ 100 լրագրողներ կորոնավիրուսով են վարակվե, մեկը մահացել
Ռուսաստանում մոտ 100 լրագրողների մոտ հաստատվել է կորոնավիրուսի ախտորոշումը, մոտ 500 մարդ կարանտինում է կամ ինքնամեկուսացած է, հայտնել է երկրի հաղորդակցության եւ կապի փոխնախարար Ալեքսեյ Վոլինը, փոխանցում է «ՌԻԱ Նովոստի»-ն: «Մենք ուշադիր հետեւում ենք, թե ինչ է տեղի ունենում մեր գործընկերների հետ: Մեր տրամադրության տակ եղած ամփոփագրերով՝ այսօրվա դրությամբ մոտ 100 լրագրողների մոտ կորոնավիրուս է ախտորոշված: Մոտ 500 մարդ կարանտինի եւ ինքնամեկուսացման մեջ է: Ցավոք, վերջերս Մոսկվայում գրանցվել է լրագրողներից մեկի մահը»,- ասել է Վոլինը «Դաշնային եւ տարածքային լրատվամիջոցները կորոնավիրուսի համավարակի շրջանում» մամուլի ասուլիսի շրջանակում:
