Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

18 հուն 2021 15:22

Էրդողանը շուտով «կվերացվի» իրեն վերահսկող խմբի կողմից,նա գտնվում է խաչմերուկում

Թուրքիայի նախագահ Ռեջեփ Թայիփ Էրդողանը գտնվում է պուտչիստական ռազմական «խնամակալության» տակ և շուտով «կվերացվի» իրեն վերահսկող խմբի կողմից։ Այս մասին նախօրեին հայտարարել է ընդդիմության «Ապագա» կուսակցության առաջնորդ, Էրդողանի նախկին դաշնակից Ահմեդ Դավութօղլուն, գրում է Ahval-ը։


Թուրքիայի նախագահին հետ է պահում նաև իր կրտսեր կոալիցիոն գործընկերը և ծայրահեղ աջ «Ազգայնական շարժում» կուսակցության (MHP) առաջնորդ, նախկին վարչապետ Դևլեթ Բահչելին, ասել է Դավութօղլուն։


«Էրդողանը ներկայումս գտնվում է փետրվարի 28-ի մնացորդների խնամակալության տակ»,- ասել է Դավութօղլուն՝ նկատի ունենալով 1997 թ. պոստմոդեռն  հեղաշրջումը, որը, ինչպես ասում էին, պայմանավորված էր աշխարհիկ զինվորականների վախով՝ իշխող «Արդարադատություն և զարգացում» կուսակցության  նախորդ առաջնորդ, այդ ժամանակ վարչապետ Նեջմեթթին Էրբաքանի իսլամիստական օրակարգից, որի արդյունքում վերջինս հրաշարական տվեց։


«Ես նախազգուշացում եմ տալիս: Պարոն Էրդողանը շուտով կվերացվի: Պարոն Էրդողանը գտնվում է խաչմերուկում, նրա համար շատ դժվար կլինի հաղթել «Ժողովրդական դաշինքի» հետ ընտրություններում», - հավելել է նա:


Հիշեցնենք, որ Դավութօղլուն վարչապետի պաշտոնում էր և իշխող  «Արդարադատություն և զարգացում» կուսակցության նախագահն էր 2014-ից 2016 թվականներին: Նա հեռացավ կուսակցությունից 2019թ.-ին ու հիմնեց նոր կուսակցություն։


Մեկնաբանություններ


Համընկնող լուրեր