Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

19 ապր 2021 17:32

Զատիկը կարող է հարմար առիթ դառնալ Դոնբասում գերիների փոխանակման համար

Ուկրաինայի նախագահ Վլադիմիր Զելենսկիի մամուլի քարտուղար Յուլիա Մենդելն այն կարծիքին է, որ Սուրբ Զատիկը (ուղղափառների մոտ այս տարի նշվում է մայիսի 2-ին-Խմբ.) կարող է հարմար առիթ հանդիսանալ Դոնբասում ռազմագերիների փոխանակումը «բոլորը բոլորի դիմաց» սկզբունքով իրականացնելու համար, գրում է «ՌԻԱ Նովոստի»-ն: 

Նրա խոսքով՝ «բոլորը բոլորի դիմաց» սկզբունքով փոխանակման գործընթացը մեկնարկել է 2019 թվականին, սակայն այն այժմ արգելափակված է: Նա նշել է, որ փոխանակումը «նորմանդական ձևաչափի» համատեքստում առաջ շարժվելու կարևոր կետերից մեկն է:

«Հիշենք, որ Զատիկը շատ մոտ է: Սա լավ առիթ է, գուցե, ակտիվացնելու փոխանակման գործընթացը», - ասել է Մենդելը:

Ավելի վաղ Դոնբասի հարցով Եռակողմ շփման խմբի Կիևի պատվիրակության մամուլի քարտուղար Ալեքսեյ Արեստովիչը հայտարարել էր, որ պատվիրակությունն ամեն ամիս ցուցակներ է ներկայացնում ռազմագերիների փոխանակման համար, և մեղադրել է Ռուսաստանի Դաշնությանն այս գործընթացը արգելափակելու համար: Ուկրաինայի մարդու իրավունքների պաշտպան Լյուդմիլա Դենիսովան ասել է, որ երկրի 280 քաղաքացի անօրինական կերպով պահվում է Կիևի կողմից չվերահսկվող Դոնբասի տարածքում:

Ինքնահռչակ Դոնեցկի ժողովրդական հանրապետությունը ու Լուգանսկի ժողովրդական հանրապետությունը հայտարարել են, որ Կիևը խոչընդոտում է գերիների փոխանակման գործընթացին:

Հիշեցնենք՝ երկար ժամանակվա ընթացքում գերիների առաջին փոխանակումը տեղի է ունեցել Դոնբասում 2019 թվականի դեկտեմբերի 29-ին: Կիևն ինքնահռչակ հանրապետություններին է հանձնել 124 մարդ, իսկ Դոնեցկն ու Լուգանսկը 76 մարդեն փոխանցել Ուկրաինայի իշխանություններին: Դրանից հետո սկսվել են գերիների փոխանակման նոր ցուցակների ձևավորման աշխատանքները: 2020 թվականին ապրիլի 16-ին տեղի է ունեցել գերիների փոխանակում Կիևի և ինքնահռչակ հանրապետությունների միջև: Կիևը հանրապետությունների իշխանություններին է փոխանցել 14, իսկ վերջիններս Կիևին են հանձնել 20 անձի:

Նշենք՝ Դոնբասում իրավիճակի սրման ֆոնին Մոսկվայի և Կիևի հարաբերությունները վատթարացել են: Ուկրաինայի իշխանությունները և արևմտյան երկրները բազմիցս մեղադրել են Ռուսաստանին Ուկրաինայի ներքին գործերին միջամտելու համար: Մոսկվան բազմիցս հայտարարել է, որ ինքը ներքին ուկրաինական հակամարտության կողմ չէ, և շահագրգռված է, որ Կիևը դուրս գա քաղաքական և տնտեսական ճգնաժամից:

2014 թվականի ապրիլին Ուկրաինայի իշխանությունները ռազմական գործողություններ են սկսել ինքնահռչակ հանրապետությունների դեմ, որոնք իրենց անկախությունն էին հռչակել 2014-ի փետրվարին Ուկրաինայում տեղի ունեցած պետական հեղաշրջումից հետո:

ՄԱԿ-ի վերջին տվյալների համաձայն՝ հակամարտության զոհ է դարձել շուրջ 13 հազար մարդ:

Ներկայում քննարկվում է Դոնբասում իրավիճակի կարգավորման հարցը, այդ թվում՝ Մինսկում կայացած շփման խմբի հանդիպումների ժամանակ, որը 2014 թվականի սեպտեմբերից արդեն ընդունել է երեք փաստաթուղթ, որոնք կարգավորում են հակամարտության լարման սրման քայլերը:

Այնուամենայնիվ, նույնիսկ հակամարտության կողմերի միջև կնքված զինադադարի պայմանագրերից հետո հակամարտությունը դեռևս շարունակվում է: 

Մեկնաբանություններ


Համընկնող լուրեր