Թուրքիայում ռուսները որպես «փողի պարկ» են ընկալվում.Ռուսաստանցին այցելել է Հայաստան եւ կոչ արել ընդմիշտ մոռանալ Թուրքիայի մասին
Ռուսաստանցի զբոսաշրջիկն արձակուրդին մեկնել է Հայաստան եւ նշել երկրի առավելությունները, որոնց շնորհիվ կարելի է «ընդմիշտ մոռանալ» Թուրքիայի մասին: Նա իր կարծիքով կիսվել է Yandex.Zen հարթակի իր անձնական բլոգում:Նախ, նա ընդգծել է կովկասյան երկրի հյուրընկալությունը: Նրա խոսքով` տեղի բնակիչները կարող են զբոսնող զբոսաշրջիկներին անվճար սուրճ հյուրասիրել կամ ուղեկցել ցանկալի տեսարժան վայր. «Հայաստանում դու թանկ հյուր ես: Հայաստանում գտնվելու ամբողջ ընթացքում մենք երբեք չենք զգացել, որ տեղացիները ցանկանում են մեզնից գումար ստանալ, խաբել կամ նման այլ բան: Միակ բացառությունը, թերեւս, տաքսու վարորդներն են, բայց դա էլ, առաջին հերթին, մասնագիտության առանձնահատկությունն է, եւ երկրորդ` եթե նստել ես ատվոմեքենան, նշել հասցեն եւ չես համաձայնեցրել գինը, ապա ո՞ վ այդտեղ մեղավոր»: Թուրքիայում, հակառակը, ռուսները որպես «փողի պարկ» են ընկալվում եւ կարծում են, որ նրանց անվճար օգնելու մասին խոսք լինել չի կարող:
Ապա նա նշել է տեղական շուկաներում մրգերի, բանջարեղենի եւ հացի «առասպելական» գները: Օրինակ, թուզով, սալորով, դեղձով, կարտոֆիլով, լոլիկով, վարունգով եւ կանաչիով զամբյուղը 150 ռուբլի է արժեցել: «Թուրքիան այլ ճաշացանկ ունի` զբոսաշրջիկների եւ տեղացիների համար տարբեր գներով»,- ասել է նա:
Բացի այդ, տղամարդը նշել է «կպչունության պակասը» տեղի բնակիչների շրջանում, ովքեր, ի տարբերություն թուրքերի, իրենց չեմ պարտադրում հանգստացողներին:
«Կինը հաճելի շոկի մեջ էր, քանի որ մի քանի անգամ թուրքերի հետ նույն սեղանի շուրջ էր հայտնվել, եւ նրան անմիջապես սկսել էին «ինչ-որ տարօրինակ բաներ ասել»: Հայերի մեծ մասը փորձում է օգնել, առաջարկել, հյուրասիրել, լցնել, նվիրել: Դա նրանց արյան մեջ է: Հիանալի երկիր, հիանալի մարդիկ: Ես նույնիսկ չեմ ուզում հիշել Թուրքիան: Թուրքիայում ծո՞վ կա: Իսկ ի՞նչ ծովը: Ես հոգնում են դրանից արդեն 2-րդ օրը, ուստի ինձ համար հանգստի համար արագ թռիչքով (ինքնաթիռով ընդամենը 3 ժամ) երկրի ընտրությունն ակնհայտ է. դա Հայաստանն է»,- ասել է բլոգերը:
