Արտաքին ուժերը փորձում են խաթարել Ռուսաստանի և Ղազախստանի միջև կապերը
Ղազախստանի ռուսալեզու քաղաքացիների նկատմամբ ազգայնականության դրսևորումները հաճախ արտաքին ուժերի տեղեկատվական ազդեցության արդյունք են, որոնք ձգտում են խաթարել Մոսկվայի և Նուր-Սուլթանի կապերը։ Այս մասին ասվում է Ռուսաստանի արտգործնախարար Սերգեյ Լավրովի «Ռուսաստան և Ղազախստան. համագործակցություն առանց սահմանների» հոդվածում, որն այսօր հրապարակվել է «Ռոսիյսկայա գազետա»-ում, գրում է Tass-ը։«Ցավոք, վերջերս մենք ականատես եղանք այլատյացության մի շարք ռեզոնանսային դրսևորումների Ղազախստանի ռուսալեզու քաղաքացիների նկատմամբ: Որոշ դեպքեր հիմնականում դրսից հատուկ տեղեկատվական մեթոդների կիրառման արդյունք են, որոնք ուղղված են փոքր քաղաքային ազգայնականության զարգացմանը և Ռուսաստանի հետ համագործակցության վարկաբեկմանը»,- ասել է Լավրովը։
Նա ընդգծել է, որ երկկողմ հարաբերությունների մակարդակը «հնարավորություն է տալիս օպերատիվ կերպով համատեղ միջոցներ ձեռնարկել յուրաքանչյուր տագնապալի դեպքի համար»։
«Դրա համար մենք կօգտագործենք ուղիղ կապի ուղիները` ԱԳՆ-ի, իրավապահների և արդարադատության մարմինների, ինչպես նաև նախագահի աշխատակազմերի միջոցով: Համակարգված աշխատանք է տարվում ոչ կառավարական հատվածի, երկուսի երկրների փորձագիտական և լրագրողական համայնքի կողմից»,- ասել է Լավրովը։
Նրա խոսքով՝ Ռուսաստանն ու Ղազախստանը «նորագույն պատմության ընթացքում զգալի հաջողություններ են գրանցել հասարակության համախմբման, ազգամիջյան ներդաշնակության ամրապնդման գործում»։ ՌԴ ԱԳ նախարարը նաև ուշադրություն է հրավիրել այն փաստի վրա, որ Ղազախստանի ռուսալեզու համայնքը և Ռուսաստանում ղազախախոս համայնքն օգնում են երկու երկրների ժողովուրդների միջև կապերի պահպանմանը։ Ինչպես նշվում է հոդվածում, երկու կողմերն էլ քաջ գիտակցում են, թե որքան կարևոր է ռուսաց լեզվի միավորող առաքելությունը։
«Ղազախստանի Հանրապետության Սահմանադրության համաձայն՝ ռուսաց լեզուն օժտված է պաշտոնական լեզվի կարգավիճակով և օգտագործվում է ղազախերենի հետ հավասար հիմունքներով: Ես սա համարում եմ հսկայական պլյուս ղազախ երիտասարդների համար, ովքեր կապում են իրենց կյանքը և աշխատում Ռուսաստանի և ընդհանուր առմամբ ԱՊՀ տարածքի հետ: Մենք կշարունակենք բազմակողմանի աջակցություն ցուցաբերել Ղազախստանի դպրոցներին, մասնագիտական և բարձրագույն ուսումնական հաստատություններին, պատրաստել ուսուցիչներ և մասնագետներ ռուսաց լեզվի իմացությամբ»,- եզրափակել է նախարարը:
