Ջո Բայդենը հայտարարել է, որ դուրս է գալիս նախագահական ընտրապայքարից          Օդի ջերմաստիճանն աստիճանաբար կբարձրանա 3-5 աստիճանով.եղանակն՝ առաջիկա օրերին       Տեսանյութ.Հայաստանում և աշխարհում հասարակության հոգեկան առողջությունը գնալով վատթարանում է    

23 նոյ 2021 11:52

Տեսանյութ.Բոլորդ դատվելու եք, ստախոսը ինքդ եք, գնա փողոցում գործդ արա. պետք է բացահայտել, թե ովքեր են Ադրբեջանի հետ սինքրոն աշխատում, մեկին մեկ.լարված մթնոլորտ

ԱԺ պաշտպանության և անվտանգության հարցերի մշտական հանձնաժողովի արտահերթ նիստը լարված մթնոլորտում է անցնում։
Օրակարգում հանձնաժողովի փոխնախագահի ընտրության հարցն է։
 
ՔՊ-ական պատգամավոր Վահագն Ալեքսանյանն, արձագանքելով Գեղամ Մանուկյանին, թե ՊՆ-ն սահմանային իրավիճակի վերաբերյալ պատշաճ տեղեկատվություն չի տրամադրում և հանրությունը ստիպված այլ աղբյուրներից է տեղեկատվություն ստանում, ասաց.
 
«Դուք եք ապատեղեկատվության աղբյուր»։
 
«Արդեն որերորդ անգամ մանիպուլյացիաների, կեղծ տեղեկությունների միջոցով, պարոն Քոչարյան, Դուք և հանձնաժողովի մի շարք անդամներ...», - ասաց հանձնաժողովի անդամ Արծվիկ Մինասյանը։
 
Հանձնաժողովի նախագահ Անդրանիկ Քոչարյանը ընդհատեց նրան:
 
«Սուտը ինքներդ եք ասում, անձամբ Դուք։ Ստախոսը ինքդ եք», - բղավեց Քոչարյանը։
 
Մինասյանը հորդորեց, որ իրեն չընդհատեն։
 


 «Մի ընդհատեք, երբ խոսում եմ։ Դուք պետք է դատվեք դեռ։ Հիմա հրապարակային ասում եմ, Դուք և Վահագն Ալեքսանյանը, որ հրապարակային հայտարարում եք, թե գուցե «Հայաստան» դաշինքն է հրավիրել Ադրբեջանին, դուք պատասխան պետք է տաք։ Հենց հիմա Ձեզնից պատասխան եմ պահանջում և հրապարակային հայտարարում եմ՝ Դուք դատվելու եք, և ոչ միայն այս հայտարարության համար», - հայտարարեց Արծվիկ Մինասյանը։ Ընդդիմադիր պատգամավորները լքեցին հանձնաժողովի նիստը։
 
«Գնա փողոցում քո գործը արա, էստեղ դուք ընդամենը շոու անող եք», - նրանց հետևից բղավեց Անդրանիկ Քոչարյանը։
 
Արծվիկ Մինասյանը դարձյալ վերադարձավ, հայտարարեց, թե դիմում է դատախազություն՝ անմիջապես հարուցել քրեական գործ, և բացահայտել, թե ովքեր են դավաճանները, ովքեր են Հայաստանը հասցրել այս վիճակին։
 
«Այո՛, անպայման, պետք է բացահայտել, թե ովքեր են Ադրբեջանի հետ սինքրոն աշխատում, սինքրոն, մեկին մեկ», - տեղից բղավեց ՔՊ-ական պատգամավոր Վահագն Ալեքսանյանը։
 
Արթուր Ղազինյանը 13-րդ անգամ չընտրվեց հանձնաժողովի փոխնախագահի պաշտոնում։



Մեկնաբանություններ


Համընկնող լուրեր