Նոր դիվանագիտական սկանդալ է հասունանում արտգործնախարարությունում . «Ժողովուրդ»          Տեսանյութ.Խավարման կարգ` ի հիշատակ Քրիստոսի մատնության և չարչարանքների       Մարտի 29-ին կդադարեցվի հետևյալ հասցեների ջրամատակարարումը    

02 փետ 2022 11:43

Հույս ունենք, որ Հայաստանը կգնահատի իրեն մեկնված՝ թուրք-ադրբեջանական խաղաղության ձեռքը. Աքար

Ադրբեջանն ու Թուրքիան գործադրում են բոլոր ջանքերը Կովկասում խաղաղություն և կայունություն հաստատելու համար. հայտարարել է Թուրքիայի ազգային պաշտպանության նախարար Հուլուսի Աքարը Անկարայում իր ադրբեջանցի գործընկեր Զաքիր Հասանովի հետ բանակցություններից հետո։


«Թուրքիայի և Ադրբեջանի նախագահների բանակցություններից հետո խաղաղության ձեռքը մեկնվեց Հայաստանին։ Հուսով ենք, որ այս խաղաղ քայլը պատշաճ կերպով կգնահատվի։ Այսպիսով՝ մենք ձգտում ենք ապահովել, որ խաղաղությունն ու բարգավաճումը տիրի ոչ միայն Ադրբեջանում և Հայաստանում, կամ Հայաստանում ու Թուրքիայում, այլ նաև ամբողջ Կովկասում»,- ըստ Anadolu-ի՝ նասել է Թուրքիայի պաշտպանության նախարարության ղեկավարը։


Աքարը նաև նշել է Թուրքիայի և Ադրբեջանի միջև դաշնակցային հարաբերությունների վերաբերյալ, այսպես կոչված, «Շուշիի հռչակագրի» կարևորությունը. «Շուշիի հռչակագիրը փաստաթուղթ է, որը որոշում է մեր ուղին և ռազմավարությունը»:


Աքարի խոսքով՝ այս փաստաթղթի հիման վրա Անկարան և Բաքուն քայլեր են ձեռնարկում պաշտպանական համագործակցության ընդլայնման ուղղությամբ, ներառյալ՝ համագործակցությունը ռազմական պատրաստության, պաշտպանական արդյունաբերության և զինված ուժերի վերազինման ոլորտում։


Միաժամանակ, Թուրքիայի ռազմական գերատեսչության ղեկավարն ընդգծել է, որ Թուրքիայի և Ադրբեջանի բանակների հզորացումը սպառնալիք չէ այլ երկրների համար. «Մեր զինված ուժերը զարգացնելու մեր ջանքերն ուղղված են մեր երկրներին և ժողովուրդներին պաշտպանելուն»:


Մեկնաբանություններ


Համընկնող լուրեր