Սարսափելի կադրեր 18+. Ձեռքերը կապել ու գնդակահարել են. Բուչայում կատարվածը «ցեղասպանություն» են որակել
Ուկրաինական ԶԼՄ-ները հրապարակել են նոր կադրեր Բուչայում տեղի ունեցած վայրագություններից:Սա «Պրոմենիստի» մանկական առողջարանն է, հենց այնտեղ՝ մանկական առողջարանի նկուղում, հայտնաբերվել են ռուսների կողմից գնդակահարված հինգ հոգի, գրում է ուկրաինական УНИАН տելեգրամ ալիքը:
Իսպանիայի վարչապետ Պեդրո Սանչեսը, անդրադառնալով ուկրաինական Բուչա քաղաքին, հայտարարել է, որ այնտեղից ստացված լուսանկարները փաստում են, որ հավանաբար խոսքը «ցեղասպանության» մասին է, գրում է The Guardian-ը:
«Մենք ամեն ինչ կանենք ապահովելու, որ այս ռազմական հանցագործություններ կատարողները անպատիժ չմնան ու հայտնվեն դատարանների առջև, պատասխան տան մարդկության դեմ իրականացված, ռազմական հանցագործությունների և ինչու չէ՝ ցեղասպանության համար»,-ասել է նա:
