Հայաստանում ողբերգություն է..88-ին Երեւանում չէին տժժում, Գառնու ճանապարհին համերգներ չկային...Քանոն նվագող հիմար չկար          Ճի՞շտ է արդյոք մահացած մարդու նկարը կախել պատից կամ դնել տանը...Մի տանջեք մահացածների հոգիները       Տեսանյութ.Սաղ գիշեր էշի պես աշխատել ենք, բայց ոչ մի արտառոց բան չի արվում    

03 օգոս 2022 11:59

Չինաստանի հնարավոր ռազմական պատասխանը կարող է հանգեցնել նրան, որ ԱՄՆ-ն ներքաշվի անուղղակի հակամարտությունների մեջ միջուկային Ռուսաստանի և Չինաստանի հետ միաժամանակ

Սպիտակ տունը Ուկրաինայի իշխանություններին, այդ թվում՝ Ուկրաինայի նախագահ Վլադիմիր Զելենսկիին մեծ անվստահությամբ և մտահոգությամբ է վերաբերվում, քան սովորաբար ընդունված է  դա դրսևորել  հանրության առաջ։ Դրանում համոզված է New York Times պարբերականի սյունակագիր Թոմաս Ֆրիդմանը։ Գրում է Gazeta.ru-ն։


Ֆրիդմանը քննադատել է Ներկայացուցիչների պալատի խոսնակ Նենսի Փելոսիի այցը Թայվան՝ այն անվանելով «լիովին անխոհեմ»։ Հոդվածագիրը կարծում է, որ ամերիկացի քաղաքական գործիչը դրա համար ընտրել է «ամենավատ ժամանակը»։ Որպես փաստարկ՝ հեղինակը որպես օրինակ բերել է Ուկրաինայի հակամարտությունը, որը, նրա կարծիքով, «այնքան թերի» է և «այնքան անկայուն»։


«Ուկրաինական պատերազմը չի ավարտվել. Ամերիկացի պաշտոնյաները շատ ավելի անհանգստացած են Ուկրաինայի ղեկավարությամբ, քան դա հրապարակվում է: Սպիտակ տան և Ուկրաինայի նախագահ Վլադիմիր Զելենսկու միջև խորը անվստահություն կա, շատ ավելին, քան ներկայացվում է։ Այդուհանդերձ, այս ամենի արանքում մենք պատրաստվում ենք Չինաստանի հետ բախման վտանգի ենթարկվել Թայվանի պատճառով: Աշխարհաքաղաքականությունն այն է, որ չես կարող երկու ճակատով պատերազմել միաժամանակ երկու գերտերությունների հետ»,- գրել է նա։


Ինչ վերաբերում է ԱՄՆ պատվիրակության Թայվան այցին, հոդվածագիրը պնդում է, որ դա ԱՄՆ-ին ոչ մի լավ բան չի բերի։


«Այս զուտ խորհրդանշական այցի արդյունքում Թայվանն ավելի ապահով կամ բարեկեցիկ չի դառնա, շատ վատ բաներ կարող են լինել։ Չինաստանի հնարավոր ռազմական պատասխանը կարող է հանգեցնել նրան, որ ԱՄՆ-ն ներքաշվի անուղղակի հակամարտությունների մեջ միջուկային Ռուսաստանի և միջուկային Չինաստանի հետ միաժամանակ»,- գրել է Ֆրիդմանը:


Ավելի վաղ ԱՄՆ նախկին նախագահ Դոնալդ Թրամփը հայտարարել էր, որ Զելենսկին պետք է համաձայնության գար Ռուսաստանի նախագահ Վլադիմիր Պուտինի հետ և հրաժարվեր ՆԱՏՕ-ին անդամակցելու մտքից։ Նրա խոսքով՝ Կիևի իշխանությունները նաև ստիպված են եղել հրաժարվել Ղրիմի նկատմամբ իրենց հավակնություններից։


Մեկնաբանություններ


Համընկնող լուրեր