Էրդողանը դիմել է նաեւ Հայաստանի իշխանություններին
«Վերջին անգամ մենք Հայաստանի հետ բանակցել ենք Պրահայում»։Այս մասին Ուզբեկստան կատարելիք այցից առաջ լրագրողների հարցերին պատասխանելիս ասել է Թուրքիայի նախագահ Ռեջեփ Թայիբ Էրդողանը, հայտնում է ԱՊԱ-ն։
«Հայաստանին բացահայտ հայտարարեցինք, որ եթե Ադրբեջանի հետ հարաբերությունները զարգացնի դրական ուղղությամբ, ապա Թուրքիայի հարաբերությունները Հայաստանի հետ նույնը կլինեն։ Սա ենք ակնկալում Հայաստանից։ Հիմա հասե՞լ ենք այս փուլին։ Չեմ կարող հաստատել»,- ասել է Թուրքիայի ղեկավարը:
Նա ընդգծել է, որ, իբր, հայկական սփյուռքը Ֆրանսիայում և ԱՄՆ-ում մշտապես դեմ է հարաբերությունների կարգավորմանը, ինչը, ըստ նրա, բացասաբար է անդրադառնում այդ գործընթացի վրա։
Էրդողանը դիմել է նաեւ Հայաստանի իշխանություններին։ Նրա կարծիքով, միայն հայաստանյան իշխանությունները կարող են կանխել դա։
