«Ժուչոկ» դնող Էլենը Չինարիից է.Ամենազարմանալին այն է, որ Սրբազանն այս ընտանիքին աջակցել է բազմիցս          Ուղիղ.Մեկնարկում է Բագրատ Սրբազանի առաջնորդած շարժման հանրահավաքը՝ Հանրապետության հրապարակում       Տեսանյութ.Այսօրվա հանրահավաքը կայանալու է. մեր զորակցությունն ենք հայտնում Տավուշի և Լոռու մեր սիրելի հայրենակիցներին    

04 օգոս 2023 14:29

Սելին Դիոնի հազվադեպ հանդիպող հիվանդությունը բուժող դեղամիջոցներ չկան. Սելին Դիոնի քույր

Աշխարհահռչակ երգչուհի Սելին Դիոնի հազվադեպ հանդիպող հիվանդությունը բուժող դեղամիջոցներ չկան. այս մասին Le Journal de Montreal-ին տված հարցազրույցում ասել է աստղի քույրը՝ Կլոդետ Դիոնը՝ պատմելով երգչուհու առողջական վիճակի մասին:

2022-ին կանադացի երգչուհին Instagram-ում հայտնել էր, որ իր մոտ ախտորոշվել է հազվադեպ հանդիպող նյարդաբանական հիվանդություն, որը կոչվում է մկանային կոշտության համախտանիշ և մկանային սպազմ է առաջացնում։ Դրա հետևանքով նա ստիպված էր չեղարկել համաշխարհային շրջագայությունը:

Ինչպես գրում է Daily Mail-ը, Կլոդետ Դիոնը մանրամասնել է, որ 55-ամյա աստղին խնամում է իրենց քույրը՝ Լինդան: Բացի այդ, Սելին Դիոնը սերտորեն համագործակցում է հազվադեպ հանդիպող հիվանդության գծով  մասնագիտացած հետազոտողների հետ:

«Մենք չենք կարող գտնել որևէ դեղամիջոց, որն օգնում է, բայց հույս ունենալը կարևոր է: Անկեղծորեն կարծում եմ, որ նա հիմնականում հանգստանալու կարիք ունի։ Նա միշտ գերազանցում է, փորձում է լինել լավագույնն իր գործում: Բայց մի պահ սիրտդ ու մարմինդ փորձում են քեզ ինչ-որ բան ասել։ Կարևոր է լսել», - նշել է քույրը:

Մկանային կոշտության համախտանիշը քիչ ուսումնասիրված խանգարում է, որը տարբեր իրավիճակներում, ներառյալ սթրեսը, առաջացնում է մկանների կոշտություն և սպազմ: Համախտանիշի պատճառները պարզ չեն։ Ջոնս Հոփքինսի համալսարանը նշում է, որ հիվանդությունը հանդիպում է մեկ միլիոնից մեկ կամ երկու մարդու մոտ: Բուժումը ներառում է սիմպտոմատիկ թերապիա և ֆիզիոթերապիա:

Մեկնաբանություններ


Համընկնող լուրեր