Թուրքիայի ԱԳՆ-ն ողջունել է ՀՀ ԱԳՆ-ի հայտարարությունը. Թուրքիան կշարունակի ջանքերը, որպեսզի ավելի շատ երկրներ ճանաչեն Պաղեստինը
Թուրքիայի արտաքին գործերի նախարարությունը ողջունել է ՀՀ ԱԳՆ-ի՝ Պաղեստինի պետությունը ճանաչելու վերաբերյալ հայտարարությունը, գրում է Anadolu գործակալությունը:«Այնպիսի պետություններից հետո, ինչպիսիք են Իսպանիան, Իռլանդիան, Նորվեգիան և Սլովենիան, մենք գոհ ենք Պաղեստինը որպես պետություն ճանաչելու Հայաստանի որոշումից։ Ինչպես ավելի վաղ ընդգծել էինք, Պաղեստինի ճանաչումը միջազգային իրավունքի, արդարադատության և խղճի պահանջ է։ Թուրքիան կշարունակի ջանքերը, որպեսզի ավելի շատ երկրներ ճանաչեն Պաղեստինը», - ասվում է Թուրքիայի ԱԳՆ հայտարարության մեջ:
Հիշեցնենք, որ այսօր ՀՀ ԱԳՆ-ն հայտարարություն է տարածել, որում ասվում է՝ Հայաստանը Պաղեստինը ճանաչում է որպես պետություն։
