Տեսանյութ.Թուրքիայում երկրպագուները ներխուժել են մարզադաշտ և հարձակվել ֆուտբոլիստների վրա          Այս հայտարարությունը ոչ մի կերպ կապ չունի ՌԴ- հետ.Ահա թե ինչի են հանգեցրել Եվրամիությունից, ՆԱՏՕ-ից և Վաշինգտոնից նոր համակարգողները       Հայաստանին է մոտենում հաջորդ ցիկլոնը    

16 հուն 2017 18:09

Իշխանությունը ձգտելու է ավելի խայտաբղետ պատկեր ստանալ խորհրդարանում. Տեսանյութ

Հայացք մամուլի ակումբում, քաղտեխնոլոգ, վերլուծաբան Վիգեն Հակոբյանը և քաղաքական և ընտրական տեխնոլոգիաների փորձագետ  Արմեն Բադալյանը վերլուծեցին ներկայում ընթացող նախընտրական գործընթացները, ինչպես նաև անդրադարձան արդեն ձևավորված, կամ դեռ ձևավորվելիք դաշինքներին:

«Հստակ է՝ ՀՀԿ-ն ընտրությունների է գնալու միայնակ: Ունի իր ուժեղ ու թույլ կողմերը: Այն իր քարոզարշավը սկսեց նոր վարչապետի նշանակմամբ: Նոր վարչապետը ՀՀԿ-ի ուժեղ կողմն է, սակայն, վարչապետն էլ ունի իր ուժեղ ու թույլ կողմերը: Թույլ կողմը միայն մենեջեր հանդես գալն է, իսկ վարչապետությունը, դա քաղաքական պաշտոն է: Քաղաքականության մեջ միշտ մենեջերը պարտվում է քաղաքական գործչին: Եթե նա չդառնա քաղաքական գործիչ, հաջողություն չի ունենա նաև հետագա տարիներին: ԲՀԿ-ն սպասում է Գագիկ Ծառուկյանին, որովհետև հասկանալի է՝ ԲՀԿ-ն Ծառուկյանով և առանց Ծառուկյանի՝ ուրիշ ԲՀԿ է: ՀԱԿ-ը քարոզարշավի ընթացքում ծրագրի հիմքում դնելու է ԼՂ խնդիրը, որ առաջարկեց Լևոն Տեր-Պետրոսյանը՝ խաղաղություն հիմա: ՀՅԴ-ն առանց նախագահի հովանավորությամբ, ԱԺ մտնելու վարկանիշ չունի: «Ելք» անվամբ ստեղծված դաշինքն էլ անհասկանալի ուղղություն է և փաստորեն, այն դարձավ պարզապես տեխնիկական դաշինք: Մյուսներն էլ դեռ բանակցում են: Ընդհանուր՝ սա նորմալ երևույթ չէ, երբ փետրվարի 6-ին պետք է ներկայացնես փաստաթղթերդ, բայց դու դեռ բանակցում ես: Համարել, թր Սեյրան Օհանյանը կլինի քաղաքական դաշտի լոկոմոտիվներից մեկը՝ իրականությանը չի համապատասխանում: Այնպես չէ, որ նա, այսպես ասած, լրիվ սրբի կարգավիճակով մտնում է: Նա բավականին թերություններով է մտնում և չկա այն գործոնը, որից ելնելով ընտրողը նրան ձայն պետք է տա»,- նկատեց Արմեն Բադալյանը:

«Կարծում եմ, որ շատ հարցեր կան: Շատերի ոտքն էլ «մի փոքր կախ է», քանի որ իրենք չեն կարողանում կողմնորոշվել, թե ինչ են անելու. մեկ տարբերակ՝ եթե Գագիկ Ծառուկյանը մասնակցում է ընտրական գործընթացին և երկրորդը՝ եթե չի մասնակցում: Ես կարծում եմ, մոտակա երկու-երեք օրվա ընթացքում այդ հարցը հանգուցալուծում կգտնի: Սեյրան Օհանյանի գործոնը գերագնահատվում է: Նա խոցելի է թե ընդդիմության, թե իշխանության կողմից: Այնուամենայնիվ, ես համարում եմ, որ եթե Գագիկ Ծառուկյանը չի մասնակցում, Սեյրան Օհանյանի դաշինքի շանսերն էապես ավելանում են: Իշխանությունը մտահոգ է, թե ապագա ԱԺ-ում ինչ քաղաքական ուժեր են լինելու: Իշխանությունը ձգտելու է ավելի խայտաբղետ պատկեր ստանալ խորհրդարանում, ոչ թե ունենա մեկ հզոր ընդդիմադիր ուժ, այլ մի քանի քաղաքական ուժեր, որոնք ավելի հեշտ կկառավարվեն: Ինչպես Վանաձորի ընտրությունների օրինակը ցույց տվեց, իշխանությունը կարողանում է նույնիսկ համաձայնագիր կնքած կուսակցությունների մեջ իր գործն անել»,-կարծում է Վիգեն Հակոբյանը: 

Մեկնաբանություններ


Համընկնող լուրեր