Հաճախ, երբ սեռական կյանքում լինում է անհամատեղելիություն՝ չեն բարձրաձայնում այդ մասին, խնդիրը մղելով այլ հարթություն. Տեսանյութ
1994 թվականից սկսած՝ ՄԱԿ գլխավոր վեհաժողովի որոշմամբ՝ ամեն տարի մայիսի 15-ը նշվում է որպես ընտանիքի միջազգային օր:Հայաստանում այս տոնն ամրագրվել է «Հայաuտանի Հանրապետության տոների և հիշատակի oրերի մաuին» ՀՀ օրենքում՝ 2011թ-ին:
Օրվա նպատակն է հասարակության ուշադրությունը հրավիրել ընտանիքի բազմաթիվ խնդիրներին։
Հայացք մամուլի ակումբում հոգեբանական գիտությունների դոկտոր, պրոֆեսոր, Ուրարտու համալսարանի ռեկտոր Սեդրակ Սեդրակյանը և «Երջանկության գաղտնիք» ամուսնական գործակալության տնօրեն Իլոնա Բաղիշյանը խոսեցին Ժամանակակից հայ ընտանիքի առջև ծառացած հարցերի, պահպանման հիմնախնդիրների նաև ինչպես երջանիկ ընտանիք կազմելու
մասին:
Սեդրակ Սեդրակյանը նշեց, որ ընտանիքը
բարդ կառույց է և հանդիսանում է հասարակության հիմնական բջիջը: Ըստ նրա, ընտանիքում
կոնֆլիկտները լինում են, ոչ միայն միջանձնային, այլև միջդերային.«Դերի մասին տարբեր
կարծիքներ ունեն և սկեսուրը, և հարսը: Կա իդեալական դեր և կա ռեալ դեր: Երբ, որ նրանց
պատկերացրած սոցիալական սպասումը չի արդարանում այդ դեպքում կոֆլիկտներ են առաջանում»:
Խոսելով բաժանությունների մասին Սեդրակ
Սեդրակյանը նկատեց, որ պատճառները հաճախ թաքնված են լինում այլ տեղ. «Զույգերի մոտ
հաճախ, երբ սեռական կյանքում, լինում է անհամատեղելիություն, նրանք չեն բարձրաձայնում
այդ մասին, խնդիրը մղելով այլ հարթություն՝ որը արտահայտվում է սոցիալական կամ կենցաղային
մակարդակում, սակայն իրական խնդիրը այլ տեղ է»:
«Երջանկության գաղտնիք» ամուսնական
գործակալության տնօրեն Իլոնա Բաղիշյանը նշեց, որ իրենց գործունեության գլխավոր սկզբունքը
գաղտնիության պահպանումն է՝ քանի որ վստահության խնդիր կա, իսկ գործակալության գոյության
ութ տարիների ընթացքում 600 ընտանիք է կազմավորվել. «Մեր գործակալության միջոցով, տարեկան
մոտ 60-70 ընտանիք է ձևավորվում: Ավելի խիստ մոտեցում է ցուցաբերվում հատկապես տղամարդկանց
նկատմամբ: Պարտադիր պետք է նրանց 28 տարին լրացած լինի և ամենակարևորը աշխատանք ունենան:
Եթե տղաների պահանջը բարետես արտաքինն է, ապա աղջիկները նախընտրում են կայացած տղամարդկանց»:
Խոսելով իրենց դիմողների մասին Իլոնա
Բաղիշյանը ասաց, որ նրանք տարբեր հնարավորության և կարգավիճակի տեր մարդիկ են. «Պատգամավորի
աղջիկ ենք ամուսնացրել և նա փոխեց իմ կարծիքը պատգամավորի երեխաների նկատմամբ՝ շատ
կիրթ, խելացի դատիարակված աղջիկ էր»:
