16:00 - Խանդոյան եղբայրները չեն կարող տեսնել իրար         15:30 - «Այժմ ամենալավ ժամանակն է Հայաստանում ներդրումներ անելու համար». Կարեն Կարապետյան      15:07 - Հայկական աքսորի պատճառով տեղի ունեցած կոտորածների ընթացքում մահացած թուրքերի թիվը շատ ավելին է, քան այն թվերը, որոնց մասին իրենք խոսում են. Էրդողան:    

10 հուն 2018 15:57

Յուրաքանչյուրս մեր կյանքի գրքի հեղինակն ենք, թե ինչպիսին կլինի տարվա բովանդակությունը մեծապես կախված է հենց հեղինակից. Տեսանյութ

Յուրաքանչյուրս մեր կյանքի գրքի հեղինակն ենք, թե ինչպիսին կլինի տարվա բովանդակությունը մեծապես կախված է հենց հեղինակից. ՏեսանյութՀայացք մամուլի ակումբի հյուրերն են ԱՀԹ առաջնորդանիստ Ս. Սարգիս եկեղեցու խորհրդակատար Տ. Շահե քահանա Հայրապետյանը, Հոգեսոցիալական կարգավորման կենտրոնի հոգեբան, հ.գ.թ Սոնա Հարությունյանը և ՀՀ ԱՆ Ֆիզիկական բժշկության և կուրորտաբանության գիտահետազոտական ինստիտուտի բժիշկ սննդաբան (դիետոլոգ) Վարդանուշ Պետրոսյանը:
Թեման՝ Ինչ էինք ակնկալում, ինչ ստացանք և ինչպես շարունակել տարին հոգեբանի, հոգևորականի և սննդաբանի տեսանկյունից:
Տ. Շահե քահանա Հայրապետյանը նշեց, որ Ամանորի ամենակարևոր խորհուրդը Սուրբ Ծննդյան տոնն է.«Դարերով մեզ ուղեկցել է Քրիստոսի Սուրբ Ծնունդը: 18-րդ դարում եկան նոր լուսավորչականները, հետո եկավ Սովետական միությունը, եկան մարքսիստները և հունվարի 6-ը նսեմացնելու համար հունվարի 1-ը դարձավ գերակա: Եվ ուրախությամբ պետք է նշել, որ այսօր ավելի մեծ տեղ է տրվում հենց Սուրբ Ծննդյան տոնին, արդեն շատերը Ամանորի գիշերը դիմավորում են հենց եկեղեցիներում և սա փաստում է, որ մենք տեղափոխվում ենք հոգևոր դաշտ»:
Սոնա Հարությունյանի խոսքով`Ամանորը տարբերվում է մյուս բոլոր տոներից, այն դրական ու սպասողական մթնոլորտ է տարածում մարդկանց շրջանում և գրեթե բոլորը սպասում են երազանքների իրականացման. «Նման դրական մոտիվացիայով պետք է առաջնորդվել ողջ տարվա ընթացքում և պետք չէ սպասել, որ երազանքները կիրականանան հենց տոների ընթացքում, որը հաճախ պատճառ է հանդիսանում հետտոնական սթրեսների առաջացման համար: Յուրաքանչյուրս մեր կյանքի գրքի հեղինակն ենք, թե ինչպիսին կլինի տարվա բովանդակությունը  մեծապես կախված է հենց հեղինակից»,-նշեց հոգեբանը:
Վարդանուշ Պետրոսյանի խոսքով էլ Ամանորի ճոխ սեղաներից օգտվելիս, շատերը չարաշահում են սնունդը ու օրեր անց մտածում նիհարելու և օրգանիզմը բեռնաթափելու մասին. «Ամանորից հետո մարդկանց մոտ ամենամեծ խնդիրը աշխատանքին վերադառնալն է, աշխատունակության կարգավորումը և ռիթմի մեջ դնել մարսողական համակարգը, որը տոնական օրերին գերծանրաբեռնվում է ալկոհոլից և սննդից: Այս դեպքում պետք է օգտագործել շատ հեղուկ, որն օգնում է օրգանիզմին ավելի դյուրին հարմարվել նոր ռեժիմին: Հատկապես ալկոհոլից հետո, ջուրն անցկացնում է ջրազրկման երևույթները: Օգտագործեք ոչ թե քաղցր, գազավորված ըմպելիքներ, այլ սովորական ջուր»,-ընդգծեց նա: 
Սննդաբանը նաև խորհուրդ տվեց`ուտելուց առաջ մի քիչ մտածել, քանի որ երբ շատ են ուտում, ապա հետագայում այն դառնում է սովորություն. «Եթե ուտելու գայթակղությանը հնարավոր չէ դիմակայել, ապա պետք է հիշել, որ այդ ցանկությունը 5-10 րոպե է, որից հետո մարում է»:


loading...

Մեկնաբանություններ

Համընկնող լուրեր