Զաքիր Հասանովը սրանո՞վ էր պարծենում.Բաքվի զորահանդեսի փորձին նկատվել է թուրքական SOM թևավոր հրթիռ
Հունիսի 26-ին Բաքվում կայանալիք զորահանդեսի փորձերից մեկի ժամանակ նկատվել է թուրքական արտադրության SOM թևավոր հրթիռ: Այդ հրթիռները նախատեսված են ինքնաթիռից արձակման համար:Թուրքական SOM թևավոր հրթիռը Բաքվի զորահանդեսի փորձի ժամանակ
Հրթիռն արտադրում է թուրքական «Ռոքեթսան» ընկերությունը: SOM ընտանիքի հրթիռներն արտադրվում են ամերիկյան Lockheed Martin ընկերության տրամադրած արտոնագրով: Թուրքիայում արտադրվում է 3 տարբերակ՝ SOM-A, SOM-B1 բեկորաֆուգասային և SOM-B տանդեմային զրահահար մարտագլխիկներով:
2014-15 թվականներից թուրքական նույն ընկերությունը զբաղվում է նաև F-35 կործանիչների համար նույն դասի թևավոր հրթիռների նախագծմամբ՝ SOM-J:
Թուրքական արտադրության SOM դասի թևավոր հրթիռ
Եթե Ադրբեջանը իսկապես գնել է կամ մոտ ժամանակներս պատրաստվում է գնել այս հրթիռներից, կարելի է ենթադրել, որ Ադրբեջանում դրանք կրելու են Սու-25 գրոհիչները: Դրանով էլ կարելի է պայմանավորել նաև Ադրբեջանի պաշտպանության նախարար Զաքիր Հասանովի օրերս արած հայտարարությունը, ըստ որի՝ Ադրբեջանի ՌՕՈւ Սու-25 գրոհիչների արդիականացվում և նոր սարքավորումներով են համալրվում հենց Թուրքիայում:
