«3+3»-ը թուրքական պրոյեկտ է՝ դրանից բխող բոլոր հետևանքներով.Հայաստանը որևէ լծակ չունի՝ ազդելու          Դոլարն ու եվրոն շարունակում են թանկանալ       Ռուս զինծառայողները կենտրոնացած են գերիներին վերադարձնելու վրա. ՌԴ գլխավոր շտաբի պետ    

02 հոկ 2018 15:00

Ռեալիթի շոու չէ.Մինչեւ 2022 թ. խորհրդարանական ընտրություններ չանցկացնելու մասին որոշում ՀՀԿ-ն չունի

Ռեալիթի շոու չէ.Մինչեւ 2022 թ. խորհրդարանական ընտրություններ չանցկացնելու մասին որոշում ՀՀԿ-ն չունիՄինչեւ 2022 թվականը խորհրդարանական ընտրություններ չանցկացնելու մասին որոշում ՀՀԿ-ն չունի։ Այս մասին այսօր տեղի ունեցած ճեպազրույցում հայտարարել է ԱԺ ՀՀԿ-ական պատգամավոր Արմեն Աշոտյանը։
«Ես մի քիչ զարմացա, որ վարչապետը, երբ վերջում մեկնաբանություն էր տալիս, ՀՀԿ-ին վերագրեց մինչև 2022 թվականը ընտրություններ չանցկացնելու որոշում: Նման որոշում խմբակցությունը չունի, առանձին պատգամավորներ՝ ես, Էդուարդ Շարմազանովը, Գագիկ Մելիքյանը, տարբեր կարծիքներ ենք հայտնում, բայց երեկվա քննարկման արդյունքում նման որոշում մեզ վերագրել չի կարելի»,- ասաց Ա.Աշոտյանը:
Ա.Աշոտյանը կարեւորել է քաղաքական քննարկումները՝ նշելով, որ Նիկոլ Փաշինյանի և ՀՀԿ խմբակցության ղեկավար Վահրամ Բաղդասարյանի հանդիպման և նման աշխատանքային քննարկումների անհրաժեշտություն կա:
«Ռեալիթի շոու չէ, և նպատակը ոչ թե պրոցեսն է, այլ արդյունքը»,- նշեց Ա.Աշոտյանը՝ ավելացնելով, որ հանրային քննարկում ծավալելու դեպքում մեծ է շանսը, որ վերջնարդյունքում կունենանք ինչ-որ մի քաղաքական, եթե ոչ՝ կոնսենսուս, ապա կարծիքների համադրելի վիճակ: Ամեն դեպքում, ըստ նրա, պետք չէ թերագնահատել մյուս ուժերին՝ «Ծառուկյան» դաշինքին, ՀՅԴ-ին, և այս գործընթացի հաջողությունը պայմանավորված չէ միայն քաղաքական դաշտի երկու տարբեր բևեռների՝ Փաշինյան-Բաղդասարյան ձևաչափի արդյունավետությամբ։
Ա.Աշոտյանի խոսքերով՝ այն պայմանավորված է նաև խորհրդարանական այլ ուժերի հետ Նիկոլ Փաշինյանի բանակցելու և ընդհանուր հայտարարարի գալու ունակությամբ: «Կարծում եմ՝ ներվը պետք է հանել այդ բանակցություններից, վարչապետը մի քիչ նյարդային էր վերջին ինտերվյուի ընթացքում: Ներվը պետք է հանել, պետք է քիչ արտահոսքեր տալ, թե ինչ են խոսել»,- ասաց բանախոսը:
«Գործող վարչապետն ունի մտահոգություններ, որ, երբ սպառվեց աշխատելու սահմանադրական իր իմունիտետը, մայիսի 9-ից նա կարող է Ազգային ժողովում ստանալ անվստահության քվե: Սա այն հիմնական հանգրվանն է, որի մասին նաև մի քանի անգամ խոսել է Նիկոլ Փաշինյանը: Եվ որպեսզի ապահովագրի իր կառավարությունը, փորձում է կամ ֆորս-մաժորային իրավիճակ ստեղծել, կամ իրականությանը չհամապատասխանող փաստարկներ բերել»,- հայտարարեց Ա.Աշոտյանը՝ մերժելով տարբերակը, որ Փաշինյանը շտապում է արտահերթ ընտրություններն անցկացնել, որպեսզի երկրում ստեղծվի կայությունություն, և ներդրողները սկսեն ներդրումներ անել:


Մեկնաբանություններ

Համընկնող լուրեր