18:03 - Եթե հավը ձու չի ածում, աքլորն էլ է մեղավոր         17:19 - Վանեցյանը դրսեւորեց մի որակ, որը խորթ էր Նիկոլ Փաշինյանին, նա ասաց շատ կարեւոր բան      16:47 - «Արցախը հայերինն է». ANCA-ն հրապարակել է ԿՀՎ գաղտնազերծված փաստաթղթերը Լեռնային Ղարաբաղի մասին    

14 մայիս 2019 11:15

Հիտլերն էլ կարար քաղբանտարկյալ կոչվել. Դատավարություն դեռ չկա, ո՞նց կարող է չեղած բանն ընթանա. «Հրապարակ»

«Հրապարակ» թերթը գրում է. «Ինչո՞վ կբացատրեք, որ Քոչարյանի գործով դատավորները հրաժարվում են նրա գործը քննելուց՝ հարցրինք երբեմնի լրագրող, «Իմ քայլի» պատգամավոր Վահագն Հովակիմյանին։ «Դատավորներին հարցրեք»: Դուք, որպես ԱԺ իրավական հարցերի հանձնաժողովի անդամ, չունե՞ք որևէ բացատրություն, մանավանդ որ երկար տարիներ, որպես լրագրող, զբաղվել եք այդ կարգի խնդիրներով։ «Դատավորներին հարցրեք»:


Քաղաքական մոտիվացիա չկա՞ այստեղ։ «Քաղաքական խնդրի՞ հետ գործ ունենք, իրավական խնդրի հետ գործ ունենք»: Դե, ոմանք կարծում են, որ քաղաքական հետապնդում է իրականացվում Քոչարյանի հանդեպ։ «Դուք է՞լ եք այդպես կարծում»: Այո, կալանքի մասով կարծում եմ, որովհետև ոչինչ չէր խանգարում, որ գրավի դիմաց բաց թողնեին։ «Շնորհավորում եմ Ձեզ։ Հիտլերն էլ կարար որպես քաղաքական հետապնդում համարեր իր նկատմամբ մոտեցումը»:

Համեմատությունը, կարծում եք, տեղի՞ն է, «Նյուրնբերգյան դատավարությո՞ւն» է ընթանում։ «Ի՞նչը ինչի հետ համեմատեցիք. դատավարության ընթա՞ցքը։ Դատավարություն դեռ չկա, ո՞նց կարող է չեղած բանն ընթանա։ Եթե բոլոր դատավորները հրաժարվեն, կա դատական համակարգ, որի միջոցով կորոշվեն բոլոր հարցերը։ Ինչ վերաբերում է կալանքին, ապա դատարանն է դա որոշում»»:
Առավել մանրամասն՝ թերթի այսօրվա համարում:

Մեկնաբանություններ

Համընկնող լուրեր