Իրավիճակ է փոխվել,Սփյուռքում տրամադրությունը շատ բարձր է,կապերս մեծ են,պիտի մոբիլիզացնեմ ի շահ Հայաստանի
Արարատի մարզի Մասիս քաղաքում Ֆրանկոֆոնիայի զբոսայգու և Ընտանեկան մարզահամալիրի բացման հանդիսավոր արարողություն է: Այնտեղ է նաև Սփյուռքի գործերի գլխավոր հանձնակատարի գրասենյակի նորանշանակ ղեկավար Զարեհ Սինանյանը:«Հիմա իրավիճակ է փոխվել, մենք պետք է կարողանանք համախմբել բոլորին: Սփյուռքում տրամադրությունը շատ բարձր է: Եթե այստեղ հետհեղափոխական տրամադրությունը մի քիչ խամրել է, այնտեղ չի էլ խամրել: Դեռևս հնարավորություն չի եղել աշխատելու»,-լրագրողների հարցերին պատասխանելով՝ ասաց նա:
Վերջինս նշեց՝ կան շատ մարդիկ, որ իրենց հոժար կամքով գույքը տեղափոխում են Հայաստան, այդ մասին հաճախ մամուլը չի իմանում, քանի որ դրա մեջ սրություն չկա:
Նա նշեց, որ իր ռազմավարական ծրագրի առաջին քայլը ՌԴ համայնքի հետ աշխատանքն է, քանի այդ համայնքը ամենամեծն է և ճիշտ աշխատանքի դեպքում այն Հայաստանի համար մեծ պոտենցիալ է ներկայացնում:
Սինանյանն ընդգծոց՝ 31 տարի ապրել է ԱՄՆ-ում և ունի մեծ կապեր, և դրանք բոլորը պետք է մոբիլիզացնի ի շահ Հայաստանի:
