Արյան «ամենավտանգավոր» խումբը
Արյան խումբն իսկապես կարող է ազդել մարդու առողջական վիճակի վրա, պարզել են Հարվարդի համալսարանի գիտնականները:Նրանց կարծիքով «ամենավտանգավոր» խումբն է AB-ն (IV) բացասական ռեզուսով: Երկրագնդի վրա արյան այս խմբով մարդիկ փոքրաթիվ են՝ մոլորակի բնակչության ընդամենը 8 տոկոսը: Եվ եթե նրանք դոնորական արյան կարիք են ունենում, դա գտնելը դժվար է: Սա, իհարկե, այսպիսի մարդկանց միակ խնդիրը չէ:
Գիտնականների խոսքով՝ արյան այդ խմբով մարդիկ հազվադեպ են երեխաներ ունենում, իսկ եթե անգամ նրանք ծնվում են, ապա միայն նույն սեռի: Մասնագետները նշում են, որ չափազանց հազվադեպ են դեպքերը, երբ այդպիսի խմբով մարդիկ, հատկապես տղամարդիկ տարբեր սեռի երեխաներ ունենան:
Իսկ արյան այդ խմբով կանանց շրջանում մյուսներից ավելի հաճախ են ի հայտ գալիս ուռուցքային հիվանդություններ:
Վերմոնթի համալսարանի մի խումբ գիտնականներ նույնպես հետազոտություն են անցկացրել՝ կապված արյան խմբերի հետ: Նրանք պարզել են, որ արյան 4-րդ բացասական խմբով մարդիկ ենթակա են ուղեղի փոփոխությունների, եւ նրանց մոտ մյուսներից ավելի հաճախ են գրանցվում մտածողության եւ հիշողության հետ կապված խնդիրներ:
Գիտնականների խոսքով՝ AB Rh-ով մարդկանց շրջանում 82 տոկոսով մեծ է նաեւ տկարամտության զարգացման հավանականությունը: Նրանք նաեւ ավելի հաճախ են բախվում կաթվածների եւ դեմենցիայի:
