16:28 - Տեսանյութ.Առայսօր հաջողվել է խուսափել ՊԲ-ում նոր կորոնավիրուսի ներթափանցման դեպքերից. ԱՀ ՊՆ         16:16 - Տեսանյութ.Հայ երիտասարդի զվարճալի դիմակը՝ հատուկ ուտել-խմելու համար      16:02 - Խոսում են վաքսինաների մասին...մերժե՛ք, ծաղրե՛ք, բլո՛կ արեք նման մեկնաբանություն անողներին    

09 հուն 2020 12:34

Բազմոցին պառկած մարդու աղքատությունը կառավարութունը չի հաղթահարելու. արգելել սրահներում ոսկեջրած աթոռներ դրած օբյեկտների գործունեությունը

Աշխատանքն է ՀՀ քաղաքացու համար աղքատությունը հաղթահարելու միջոցը, այս մասին Կառավարության հերթական նիստին հայտարարեց ՀՀ վարչապետ Նիկոլ Փաշինյանը՝ նախքան օրակարգին անցնելը: 

«Հիմա մենք ստեղծել ենք բավարար դաշտ, ու եթե ինքնակարգավորումեր տեղի չեն ունենալու, մենք որոշակի ստանդարտներ ենք պարտադրելու: Չաշխատող մարդը չի կարող լավ ապրել: Հետևաբար, մեր խնդիրն է աշխատանքի համար ստեղծել բոլոր հնարավոր պայմանները, էլի կրկնում եմ, բազմոցին պառկած մարդու աղքատությունը Կառավարութունը չի հաղթահարելու, այդ մարդը առնվազն պետք է բռնի Կառավարության մեկնած ձեռքը ու վեր կենա բազմոցից»,-ասաց ՀՀ վարչապետը: 

Նիկոլ Փաշինյանն ասաց, որ սպասում են բավականին բարձր տնտեսական աճ: «2020 թվականի մեր տնտեսական աճի ցուցանիշը պիտի լինի ավելի լավը, քան՝ 2019 թվականինը»,-ասաց Փաշինյանը: 

Խոսելով զբոսաշրջության մասին՝ նա ասաց, որ Հայաստան են գալիս հաճախորդներ, որոնք փոքր ու միջին բիզնեսի պոտենցիալ հաճախորդներ են: «Այս մարդիկ գալիս են ոչ թե հինգաստղանի հյուրանոցներում ապրելու, ամենաթանկ ռեստորաններում սնվելու, այլ գալիս են քայլելու, սար բարձրանալու, գետ տեսնելու, կենդանի տեսնելու ու հունվարի 1-ից մենք միկրոբիզնեսն ազատել ենք հարկերից»,-ասաց նա:

Վարչապետը նշեց, որ պետք է արգելել այն օբյեկտների գործունեությունը, որոնք ոսկեջրած աթոռներ են դնում իրենց սրահներում, սակայն սանհանգույցում անմխիթար վիճակ է։ Ըստ նրա՝ այսպիսի օբյեկտներին աշխատել պետք է թույլ չտալ այնքան ժամանակ, մինչև ունենան նորմալ աթոռներ և ոսկեջրածին մոտ զուգարաններ։ 

Խոսելով հսկիչ դրամարկղային կտրոնների խնդրի մասին՝ վարչապետն ասաց, որ շարունակում են ահազանգեր ստանալ, որ զանգվածային կերպով մարդիկ շարունակում են չտրամադրել ՀԴՄ-ներ: «Իհարկե, մենք վարչարարության առումով խոսել ենք, որ խիստ պետք է վերաբերվենք, բայց ՊԵԿ նախագահին մի գաղափար եմ առաջարկել, որ հնարավորություն տրվի, որպեսզի ՀԴՄ չթողարկելու մասին փաստող քաղաքացիների կողմից տրամադրված տեսագրության հիման վրա հարկային մարմինը վարչական վարույթ իրականացնի»,-ասաց նա:

Արդարադատության նախարար Ռուստամ Բադասյանի դիտարկումներից հետո վարչապետը արձագանքեց.«Ես կոնկրետ քաղաքական խնդիրը առաջադրում եմ, դուք պետք է լուծումները գտնեք, գնացեք գտեք լուծումներ»:


Մեկնաբանություններ

Համընկնող լուրեր