«Եթե մենք խնդրենք զինադադար, դա լինելու է Հայաստանի վախճանը». Արայիկ Հարությունյան          Տեսանյութ.Ադրբեջանը ՏՕՍ-1Ա ծանր հրետանի է տեղակայել բնակավայրում՝ կենդանի վահան դարձնելով իր քաղաքացիներին       Տեսանյութ.Ինչպես են դիմում փախուստի ազերիները.կրակ է վարել ՀՀ ԶՈՒ Վարդենիսի զորամասի, ինչպես նաև օդուժ են կիրառել դիրքերի ուղղությամբ    

21 հուլ 2020 17:00

Ստատուս քվոյի պահպանումն այս ձևով վտանգավոր է.Նպատակը պետք է լինի օկուպացիայի փաստը վերացնելը.Ալիևի օգնական

«Ադրբեջանական կողմը հավատարիմ է հակամարտության կարգավորմանը Մինսկի գործընթացի շրջանակներում»,- այս մասին այսօր հայտարարել է Ադրբեջանի նախագահի օգնական, նախագահի աշխատակազմի արտաքին քաղաքականության վարչության պետ Հիքմեթ Հաջիևը։


Հաջիևի խոսքերով, ձևաչափի փոփոխություն ներկայումս օրակարգում չկա։


«Տեղի ունեցած բանակցությունները չեն ծառայել Մինսկի խմբի մանդատին: Համանախագահող երկրները նույնպես պետք է հետևություն անեն դրանից: Ստատուս քվոյի պահպանումն այս ձևով վտանգավոր է և անհրաժեշտ է փոխել: Նպատակը պետք է լինի օկուպացիայի փաստը վերացնելը: Մենք պարտավոր ենք փոխել աշխատանքային մեթոդաբանությունը, այլ ոչ թե ձևաչափը»,- ասել է Հաջիևը։


Հաջիևը նշել է, թե պետք է անցկացնի Մինսկի խմբի ընդլայնված կազմով հանդիպում:


«Ասել, թե «թող Հայաստանը և Ադրբեջանը համաձայնության գան, և Մինսկի խումբը կաջակցի դրան», չի համապատասխանում համանախագահների առաքելությանը: Մանդատը նաև պահանջում է, որ օկուպացիայի գործոնը վերացվի: Սրա հիման վրա Ադրբեջանը հանդիսանում է առարկայական բանակցությունների կողմնակից»,- ասել է Հաջիևը։


Նշենք, որ Մինսկի խմբի ընդլայնված կազմը ներառում է 11 երկիր՝  Բելառուսը, Գերմանիան, Իտալիան, Շվեդիան, Ֆինլանդիան, Թուրքիան, Ֆրանսիան, Ռուսաստանը, ԱՄՆ-ը, Հայաստանն ու Ադրբեջանը։ Ադրբեջանի նպատակն է Թուրքիային ներառել պրոցեսում։


Հուլիսի 12-ին Թուրքիայի ԱԳ նախարարությանն հայտարարությանն ի պատասխան, որով  այն անվերապահ աջակցությունն էր հայտնում Ադրբեջանին՝ արդարացնելով Ադրբեջանի կողմից հայ-ադրբեջանական սահմանին ուժի կիրառումը,  ՀՀ ԱԳՆ-ն հայտարարեց, որ Թուրքիայի այս սադրիչ կեցվածքը և Հայաստանի դեմ ուղղված անհիմն մեղադրանքները հաստատում են այն իրողությունը, որ այդ երկիրը գործում է ոչ թե որպես ԵԱՀԿ Մինսկի խմբի անդամ, այլ ԼՂ հակամարտության մեջ ներգրավված կողմ:


«Այս իրողությունն առավել քան անհնար է դարձնում միջազգային՝ նախևառաջ ԵԱՀԿ շրջանակներում Թուրքիայի որևէ դերակատարում, որն առնչվում է ղարաբաղյան հակամարտությանը»,- նշված էր ՀՀ ԱԳՆ հայտարարության մեջ։


Մեկնաբանություններ

Համընկնող լուրեր