Աղոթում եմ, որ օրհնվեն հայ ժողովրդի անվտանգության համար աշխատողների ջանքերը. Հռոմի պապ          Օդի ջերմաստիճանը կնվազի, սպասվում է անձրև և ամպրոպ       Սիրված ու ճանաչված երգիչ Հայկոն ծայրահեղ ծանր ախտորոշմամբ տեղափոխվել է հիվանդանոց    

27 հուլ 2020 14:15

Անտարկտիդայի ափերի մոտ հայտնաբերել են ամբողջ քաղաքակրթությանը սպառնացող վտանգ՝ մեթանի ակտիվ արտահոսք

Միացյալ Նահանգների Օրեգոնի պետական համալսարանի գիտնականներն Անտարկտիդայի ափերի մոտ ծովային ջրերում առաջին անգամ հայտնաբերել են մեթանի ակտիվ արտահոսք: Այս մասին հաղորդվում է «Proceedings of the Royal Society B: Biological Sciences» ամսագրում տպագրված հոդվածում:

Հետազոտողների խոսքով ՝ Անտարկտիդայի ափերի մոտ օվկիանոսի հատակում կա մեծ քանակությամբ մեթան, որը ձևավորվել է ջրիմուռների քայքայման ժամանակ, որոնք թաղվել էին նստվածքային ապարների տակ: Մեթանը, որպես ջերմոցային հզոր գազ, սպառնալիք է ներկայացնում:

Գլոբալ տաքացման հետևանքով, հատակային հատվածի ջրի մի շերտը տաքանում է, ինչը նպաստում է գազի արտանետմանը: Հետազոտողները մտավախություն ունեն, որ այնքան մեթան կարտանետվի մթնոլորտ, որ մոլորակը անդառնալիորեն կտաքանա մինչև ժամանակակից քաղաքակրթության կյանքի հետ անհամատեղելի ջերմաստիճանի: Գիտնականների կարծիքը փոխանցում է «Լենտա ռու»-ն:

Այս դեպքում մեթանի արտազատումը պայմանավորված չէ օվկիանոսի տաքացումով, չնայած իրական պատճառը դեռ մնում է անհայտ:

Գիտնականները ջրերում արձանագրել են նաև միկրոօրգանիզմների բացակայությունը, որոնք սովորաբար կլանում են հատակից արձակվող մեթանը: Սա նշանակում է, որ ջերմոցային գազը միանգամից արտանետվում է մթնոլորտ: Եթե միկրոօրգանիզմները չկարողանան արագ մուտք գործել տարածք, վտանգ կա, որ նրանք չեն հասցնի կանխել մեթանի հսկայական ծավալի արտազատումը:

Մեկնաբանություններ

Համընկնող լուրեր