Սպասվում է ամպրոպ, անձրև ու քամու ուժգնացում          ՌԴ-ում միգրանտների համար, որոնք պատրաստվում են ապրել եւ աշխատել այնտեղ, օգոստոսի 1-ից գործողության մեջ է մտնում նոր դրույթ       Տեսանյութ.Ադրբեջանցի ընդդիմադիր բլոգերին մահացած են գտել Թբիլիսիում,չեն բացառում, որ նրա մահը բխում է Ադրբեջանի կառավարության շահերից    

04 հուն 2021 18:47

Աշխարհը կանգնում է խմելու ջրի պակասի առաջ

Քաղցրահամ լճերում թթվածնի մակարդակը 2,75-9,3 անգամ ավելի արագ է իջնում, քան Համաշխարհային օվկիանոսում, ինչը բացասաբար է ազդում դրանց էկոհամակարգերի վիճակի վրա: Այս մասին ասվում է Ռենսելերի պոլիտեխնիկական ինստիտուտի (ԱՄՆ) ղեկավարած գիտնականների թիմի ուսումնասիրության մեջ:

Համաձայն ուսումնասիրության, որի արդյունքները մեջբերում է ՌԻԱ Նովոստին՝ հղում անելով Nature-ին, 1980 թվականից ի վեր հետազոտվող ջրամբարներում թթվածնի պարունակությունը նվազել է 5.5%-ով, իսկ ներքևում`18.6%-ով:

Փոփոխությունների պատճառը տասը տարիների ընթացքում քաղցրահամ ջրի ջերմաստիճանի 0,38 ° C բարձրացումն էր, ասում են մասնագետները: Գլոբալ տաքացման այս ազդեցությունները նպաստում են կապտականաչ ջրիմուռների բազմացմանը, որոնց թունավոր նյութերը վտանգավոր են քաղցրահամ ջրերում ապրող այլ կենդանի օրգանիզմների համար:

Թթվածնի մակարդակի իջեցումը պայմաններ է ստեղծում անաէրոբ բակտերիաների բազմացման համար: Նրանց արտանետած մեթանը մեծացնում է ջերմոցային գազերի արտանետումները, ինչը միայն արագացնում է կլիմայի փոփոխության տեմպերը: Այսպիսով, տաքացումը կարող է հանգեցնել խմելու ջրի պաշարների սպառման և քաղցրահամ էկոհամակարգերի անհավասարակշռության:

Մեկնաբանություններ

Համընկնող լուրեր