Տեսանյութ.3 անչափահաս երեխայիս վերցնեմ, ո՞ւր գնամ, մեզ իրավունք տվեք ապրել․ Մասիվում «կոլցո» օպերացիա է. տներ են քանդվելու          Արցախը տալիս եք թուրքին, ՀՀ-ն տալիս եք ինձ, սա է մեզ արված առաջարկը.Հիմա ի՞նչ անենք երկրո՞րդն էլ տանք, թե՞ քայլ անենք       Ադրբեջանցիների սպառնալիքներն ու հայհոյանքները ռուսաստանցի քաղաքագետի հասցեին՝ Ռ. Վարդանյանի մեդադրանքներին անդրադառնալու համար    

26 հուն 2022 15:33

Խոշոր ընկերությունները կոչ են արել Բայդենին՝ զգուշություն դրսևորել Ռուսաստանի դեմ պատժամիջոցներում

Ամերիկյան մի շարք խոշոր ընկերություններ ԱՄՆ-ի նախագահ Ջո Բայդենին եւ Կոնգրեսին կոչ են անում՝ զգուշություն դրսեւորել Ռուսաստանի նկատմամբ պատժամիջոցների հարցում: Այդ մասին  հաղորդում են ԶԼՄ-ները:

Արեւմտյան երկրները Ռուսաստանին սպառնում են աննախադեպ պատժամիջոցներով՝ ի դեպս Ուկրաինայում էսկալացման: Ուկրաինայի իրադրության էսկալացման վերաբերյալ Ռուսաստանին վերագրվող պլանները Մոսկվայում կտրականապես հերքում են եւ մշտապես հայտարարում, որ ոչ ոքի ոչնչով չեն սպառնում, իսկ այդ բոլոր հայտարարությունները որպես պատրվակ են օգտագործվում, որպեսզի ՆԱՏՕ-ի ավելի շատ ռազմական տեխնիկա տեղակայեն Ռուսաստանի սահմանների մերձակայքում:

«Բայդենի վարչակազմը եւ Կոնգրեսը պետք է պարզաբանեն մանրամասներն այն դեպքում, եթե իրենք հետեւելու լինեն պատժամիջոցների սպառնալիքին»,-Reuters գործակալությանը հայտարարել է ԱՄՆ-ի Ազգային խորհրդի արտաքին առեւտրի (NFTC) հարցերով ղեկավար Ջեյք Քոլվինը: Հաղորդվում է, որ NFTC առեւտրի ընկերակցությունը, որի մեջ, մասնավորապես, մտնում են Chevron-ը եւ General Electric-ը, Սպիտակ տանը խնդրում է՝ քննարկել Ռուսաստանում բիզնես ունեցող ընկերություններին իրենց պարտավորությունները կատարել թույլ տալու հնարավորությունը:

Բացի այդ, ընկերակցությունը նաեւ խնդրում է մտածել այն բանի վրա, որպեսզի որոշակի արտադրանք ազատվի պատժամիջոցների գործողություններից: ԱՄՆ-ի Կոնգրեսի մի աղբյուր գործակալությանը հաղորդել է, որ էներգետիկական ընկերությունները կապվել են անմիջապես ԱՄՆ-ի օրենսդիրների հետ՝ նպատակ ունենալով ապահովել, որպեսզի իրենց ակտիվները չբռնագրավվեն այն դեպքում, եթե իրենք չկարողանան իրենց գործարար համաձայնությունները կատարել Ռուսաստանում, հաղորդել է ՌԻԱ Նովոստին:

Մեկնաբանություններ


Համընկնող լուրեր