Ռուբեն Վարդանյանի ձերբակալությունը նաև այս խոսքերի հետևանքն է.ՌԴ արտաքին գործերի փոխնախարար

Խոսքն առաջին հերթին Հայաստանի քաղաքացիների կամ Ռուսաստանի քաղաքացիությունից ինքնակամ հրաժարվածների մասին է։ Այսպես է ՌԴ ԱԳ փոխնախարար Միխայիլ Գալուզինը մեկնաբանել РБК-ի այն հարցը, թե արդյո՞ք Մոսկվան դիրքորոշում ունի Ադրբեջանի իշխանությունների կողմից ձերբակալված կոնկրետ գործչի (Արցախի նախկին պետնախարար) Ռուբեն Վարդանյանի նկատմամբ, և պատրաստ է արդյոք. ինչ-որ բան անել այդ անձի հետ կապված:

«Ամենաընդհանուր ձևով կարող եմ ասել, որ խոսքն առաջին հերթին Հայաստանի քաղաքացիների կամ Ռուսաստանի քաղաքացիությունից ինքնակամ հրաժարվածների մասին է։ Ուստի այս հարցերը պետք է լուծվեն առաջին հերթին Հայաստանի, որի քաղաքացիներն են այդ մարդիկ, և Ադրբեջանի Հանրապետության իշխանությունների միջև։

Եվ ես կցանկանայի ձեր ուշադրությունը հրավիրել մի կարևոր ասպեկտի վրա, որին ես չեմ անդրադարձել։ Սա այն ասպեկտն է, որ ինչ-որ փուլում պաշտոնական Երևանը սկսեց ասել, որ ինքը որևէ կապ չունի Լեռնային Ղարաբաղի հայերի ճակատագրի հետ, և դրա հետ կապված բոլոր հարցերը պետք է լուծվեն ղարաբաղցի հայերի ներկայացուցիչների և Ադրբեջանի իշխանությունների միջեւ երկխոսության շրջանակներում։ Սա նույնպես, ցավոք սրտի, եղել է։ Եվ ես ձեր ուշադրությունն եմ հրավիրում սրա վրա»,- նշել է նա։

«Խաղաղության պայմանագրի նախապատրաստումն ու ստորագրումը հայ-ադրբեջանական հակամարտության կարգավորման «ճանապարհային քարտեզի» կարևոր մասերից մեկն է, որը մշակել են Ռուսաստանի, Ադրբեջանի և Հայաստանի ղեկավարները։ Մենք միշտ եղել և պատրաստ ենք օգնել Ադրբեջանին և Հայաստանին այս փաստաթուղթը մշակելու փոխադարձ ընդունելի հիմունքներով, որպեսզի այն իսկապես լինի Հայաստանի և Ադրբեջանի միջև կայուն, հավասարակշռված, երկարաժամկետ խաղաղ կարգավորում երաշխավորող փաստաթուղթ։

Մենք ելնում ենք խաղաղության պայմանագրում Ղարաբաղի հայ բնակչության հուսալի իրավունքների և անվտանգության ապահովման թեման հստակ սահմանելու անհրաժեշտությունից և կողմերին ներկայացրել ենք որոշակի պատկերացումներ այս առնչությամբ։ Հուսով ենք, որ դրանք պահանջված կլինեն, ինչպես պահանջված կլինի մեր տեսակետը, որ մեզ անհրաժեշտ են մեխանիզմներ՝ աջակցելու ստորագրված խաղաղության պայմանագրի հետագա իրականացմանը։ Այնպիսի մեխանիզմ, որը վնաս չի հասցնի Հայաստանի և Ադրբեջանի ինքնիշխանությանը և անկախությանը»,- ասել է Գալուզինը RBC-ին տված հարցազրույցում։