Պոռնկագրական նյութերի տարածման համար դեսպանատան 32 աշխատակից է ազատվել աշխատանքից
Կամբոջայում ԱՄՆ դեսպանատունը 32 աշխատակցի է հեռացրել աշխատանքից, որոնք սոցցանցում փոխանակվում էին պոռնկագրական նյութերով, հայտնում է Reuters-ը՝ վկայակոչելով աղբյուրները: Ըստ աղբյուրների՝ պոռնկագրական տեսանյութերը եւ լուսանկարները, այդ թվում նաեւ՝ անչափահասների մասնակցությամբ, տարածվում էին Facebook Messenger-ի միջոցով: Դրանք նկատել է դեսպանատան աշխատակցի կինը եւ հայտնել այդ մասին ղեկավարությանը: Աղբյուրը պնդում է, որ գործն ուղղվել է Հետաքննությունների դաշնային բյուրո:Հեռացված աշխատակիցների մեծ մասը դեսպանատան պահակներն են, որոշները՝ գրասենյակային ծառայողներ, նրանց թվում դիվանագետներ չկան:
