13:17 - Արթուր Վանեցյանի նախկին օգնականը հերքում է զենք նվեր ստանալու մասին լուրը         13:13 - Հաստատվել է ՀՀ ՊՆ և ՀՀ ԶՈՒ գլխավոր շտաբի նոր կառուցվածքը.մեծաքանակ սպառազինություն և ռազմական տեխնիկա      12:53 - Քըլըչդարօղլու․ «Թուրքիայի արտաքին քաղաքականությունն ուղղորդում է Պուտինը»    

12 փետ 2019 13:26

Նալոգ հավաքելուց զրկում ենք՝ ասում են՝ չեմ հավաքի հարկեր, որ ձեր մորուքավորների կառավարությունը չկարողանա թոշակներ վճարել

Նալոգ հավաքելուց զրկում ենք՝ ասում են՝ չեմ հավաքի հարկեր, որ ձեր մորուքավորների կառավարությունը չկարողանա թոշակներ վճարելՊետական պաշտոնի ստանդարտի բարձրացումը անհնար կլինի առանց պետական պաշտոնյաների ու ապարատի վարձատրության բարձրացման, դա ուղղակի անհնար է: Այս մասին ԱԺ ամբիոնից այսօր հայտարարեց վարչապետ Նիկոլ Փաշինյանը: «Կառավարությունից վերջին յոթ-ութ ամիսներին հոսք է նկատվում դեպի մասնավոր հատված: Ինչո՞ւ, որովհետև այսօր մենք ասում ենք՝ պարգևավճարներ, ճիշտ ենք ասում: Բայց այդ պարգևավճարները հրապարակային ու ու թափանցիկ ստացած մարդիկ տարի ու կես առաջ ծրարով փող են ստացել, ազատ են եղել բիզնես գործունեությունը պաշտոնների հետ համատեղել, իսկ էսօր էդ ամեն ինչը  չկա: Էդ մարդը նայում ա, ես 150 հազար դրամ աշխատավորձով ինչի՞ մնամ այստեղ: Կառավարության աշխատակազմից արդեն մի քնաի կոնկրետ դեպք կա, մարդիկ գնում են մասնավոր հատվածում աշխատելու, որովհետև էն աշխատանքը, որն իրենցից ակնկալվում է 400 հազար դրամով, իրենք ասում են՝ մեզ 1 մլն 200 հազար դրամով հենց հիմա առաջարկում են, ինչի՞ մնանք»,- ասաց նա: Ըստ վարչապետի՝ շատ կարևոր է, որ այս հարցերի շուրջ վերջին շրջանում բուռն բանավեճ է: Դա շատ կարևոր է, որպեսզի մենք հասկանանք, թե ինչ ենք անում և ինչի համար:
Նրա խոսքով՝ ճիշտ հարցադրում է, երբ ասում են՝ պետական պաշտոնյանի աշխատավարձը պետք է բարձրանա, բա թոշակառո՞ւն: Բայց հարց՝ ի պետական այն պաշտոնյան, ով պետք է զբաղվի թոշակառուի թոշակը բարձրացնելու խնդրի լուծմամբ, եթե բավարար չափով չվարձատրվեց,  արդյոք կարողանալո՞ւ է արդյունավետ գործել:
«Ինչ խոսվում է, արդարացի է խոսվում: Այսօր շատ է խոսվում Պետական եկամուտների կոմիտեի պարգևատրումների չափերի մասին: Եվ, այո, շատ բան ճիշտ է ասվում: Եվ ես ասել եմ արդեն՝ 2019 թվականին պարգևատրումների նախկին ֆոնդը մենք ուղիղ 50 տոկոսով կրճատել ենք: Եվ պետք է հաշվի առնենք, որ Հայաստանի պետական կառավարման համակարգում ծրարով աշխատավարձ տալու ավանդաույթը միշտ ներկա է եղել: Այս վեճը իմ և համակարգի միջև սկսվել է մայիսից: Եվ ամենակարևոր ահազանգը, որ ես լսում եմ, հետևյալն է՝ իսկ արդյոք մենք հաշվե՞լ ենք, թե նման գործողությունները պետական բյուջեի եկամուտների հավաքագրման համար ինչ ռիսկեր կառաջացնեն: Չէ՞ որ ասում եմ՝ այս պետական կառավարման համակարգում 90 տոկոսով նույն մարդիկ են, և մենք գալիս ենք, առաջին գործով նրանց վարձատրությունը 50-70 տոկոսով կրճատում ենք, կաշառքից զրկում ենք, նալոգ հավաքելուց զրկում ենք, աշխատավարձն իջեցնում ենք, ասում են՝ գնա հարկեր հավաքի: Ասում է՝ չեմ հավաքում, չեմ հավաքի հարկեր, որ ձեր հեղափոխական կառավարությունը՝ մորուքավորների, չկարողանա պետական բյուջեի եկամուտները հավաքի, չկարողանա թոշակ վճարի, աշխատավարձ վճարի, որ բունտ լինի»,- ասաց Փաշինյանը:
Ըստ նրա՝ երբ ասում են՝ հակահեղափոխություն, դա կոնկրետ պարամետրեր ունի: 2018 թվականի մայիսից ամենաառաջին խնդիրը եղել է այն, որ բյուջեի եկամուտները չհավաքագրվեն: «Այդ համակարգում, իրենց պատկերացմամբ, 90 տոկոսով եղել են իրենց մարդիկ, և հեղափոխության ձախողումն ապացուցելու ամենակարճ ճանապարհը ո՞րն է՝ այո, մարդիկ 2018 թավականի հունվարին վատ էին ապրում, բայց գոնե թոշակ էին ստանում, գոնե աշխատավարձ էին ստանում: Բա պատկերացրեք այս 7 ամսվա ընթացքում մեկ էլ պարզվեր, որ բյուջեն չի հավաքվել, և չենք կարող աշխատավարձ տալ: Կարո՞ղ էր լինել նման սցենար, իհարկե, կարող էր, աշխատո՞ւմ էին ոմանք, որ նման սցենար լիներ, իհարկե, աշխատում էին»,- ասաց Նիկոլ Փաշինյանը:  Նա հայտարարեց՝ այո, իր ղեկավարած կառավարությունը ստիպված է եղել ինչ-որ առումով փրկագին վճարել, որպեսզի կարողանա այս դրսևորումները կառավարել:

Մեկնաբանություններ

Համընկնող լուրեր