Մեզ թողեք մենք այդ ճանապարհով գնանք, մենք ձեր թշանամին ու մեր թշնամի չենք, մենք դավաճան չենք, մենք հող ծախող չենք          Սա մեր՝ որպես ազգ և պետություն, անսահման խայտառակության ու ամոթի դարաշրջանն է, անարժանապատվության մղձավանջը       Մարտի 20-22-ը սպասվում է G2 կատեգորիայի գեոմագնիսական փոթորիկ.արձանագրվել է արեգակի բռնկում    

20 նոյ 2019 16:15

Գարեգին Նժդեհի մասին վարչապետի գիտելիքներն ու կցկտուր պատասխաններն արդեն անընդունելի են

Առաջին անգամ Ալիևին տված պատասխանից հետո, թվում էր, թե արդեն երկրորդ անգամ այդ թեմայով խոսելիս վարչապետը կուղղի Նժդեհի մասին աղավաղված գիտելիքները, բայց ռուսաստանցի լրագրողների հետ հարցուպատասխանի ժամանակ պարզ դարձավ, որ` ո´չ: Փաշինյանը, զբաղված լինելով ֆեյսբուքյան գրառումներով, դեռ չի հասցրել ամբողջապես ուսումնասիրել Գարեգին Նժդեհի կյանքի պատմությունը:

Ռուս լրագրողի` Նժդեհի մասին հարցին ի պատասխան, վերջինս նշեց, որ Նժդեհի անունը մեր պատմության մեջ հայտնվել է սկսած Սարդարապատի ճակատամարտից։
Հարկ է պարզապես նշել, որ Նժդեհը հայոց պատմության մեջ հայտնվել է դեռևս 1912 թվականին Առաջին Բալկանյան պատերազմի ժամանակ, երբ հայերը Թուրքիայի դեմ կռվելու համար բուլղարական բանակի կողքին ստեղծեցին կամավորական վաշտ:
Ինչ վերաբերվում է Սարդարապատի ճակատամարտին` Նժդեհը Սարդարապատի ճակամարտին չի մասնակցել: Հետևաբար` Փաշինյանի այն հայտարարությունը, թե Մայիսյան հերոսամարտում Նժդեհն ու այն ժամանակ Խորհրդային միության ապագա մարշալ Հովհաննես Բաղրամյանը կռվել են կողք կողքի, իրականության հետ կապ չունի:
Նժդեհը մեծ դերակատարություն է ունեցել Ղարաքիլիսայի և Զանգեզուրի հերոսամարտերում։ Նրա հերոսական պայքարի շնորհիվ էր, որ Սյունիքը մնաց Հայաստանի կազմում, և որի հետևանքով էլ պանթյուրքիզմի հետևորդներին չհաջողվեց Թուրքիան միավորել Ադրբեջանի և այլ թյուրքալեզու տարածքների հետ։
Հետևաբար` Նժդեհի մասին խոսելիս, առաջին հերթին պետք է նշել Զանգեզուրի հերոսամարտի մասին, որը ոչ միայն կարևոր ձեռքբերում էր Հայաստանի ու հայ ժողովրդի, այլ նաև ողջ տարածաշրջանի համար:
Ինչ վերաբերվում է նացիստների հետ կապ ունենալ-չունենալուն, Մոլոտովի կյանքի պատմությունը պատմելուց առաջ, հարկ էր պարզապես նշել, որ Նժդեհը գերմանացիների հետ, այսպես ասած, «համագործակցել է» ոչ թե ընդդեմ Ռուսաստանի, այլ ընդդեմ Թուրքիայի հայահալած քաղաքականության և Գերմանիայում հակահայկական տրամադրությունների չեզոքացման համար։
Արփինե Մելիքյանի ֆեյսբուքյան էջ



Մեկնաբանություններ


Համընկնող լուրեր