20:50 - «Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը         17:00 - Տեսանյութ.Կապ չունի տանից 100 մետր եք հեռու, թե՝ 5 կմ, կողքի շենքի խանութ,100 հազար դրամով կտուգանվեք      16:32 - Զգուշացնում եմ,չափերը մի անցեք. Վիտալի Բալասանյանն ահազանգում է    

05 մար 2020 17:01

Կեղծ տեղեկություններ են տարածվում՝ Ադրբեջանում կորոնավիրուսից աղջիկ չի մահացել

Վերջին օրերին որոշ ԶԼՄ-ներում եւ սոցիալական ցանցերում մարդկանց կողմից, որոնք ցանկանում են մեր երկրում անհանգստություն առաջացնող արհեստական խուճապ առաջացնել հասարակության մեջ, ձայնագրություն է տարածվել այն մասին, որ, իբր, Երրորդ կլինիկական հիվանդանոցում կորոնավիրուսով վարակված քաղաքացի է մահացել: Այս մասին ասվում է Ադրբեջանի նախարարների կաբինետին կից ստեղծված օպերատիվ շտաբի եւ գլխավոր դատախազության համատեղ հայտարարության մեջ, փոխանցում է haqqin.az-ը:
Նշվել է նաեւ, որ այս թեմայի վերաբերյալ կեղծ տեղեկություններ են տարածվում, այդ թվում` ԶԼՄ-ների կողմից լուսանկարների եւ նյութերի վերնագրերի օգտագործմամբ, որոնք արհեստական խուճապ են ստեղծում: Տեղեկատվությունը, որն օգտագործվում է կեղծ հասարակական կարծիքը ձեւավորելու համար, հերքվում է, քանի որ այն չի արտացոլում ճշմարտությունը:
Այդպես, Բաքվի բնակչուհի, 1994 թվականին ծնված Նազակետ Ռամազանովայի` թոքաբորբից մահվան փաստի կապակցությամբ, որը տեղի է ունեցել փետրվարի 29-ին երրորդ կլինիկական հիվանդանոցում, ոստիկանությունը եւ դատախազները դատաբժշկական փորձագետի մասնակցությամբ ուսումնասիրել են դեպքի վայրը եւ մահացածի դին: Մահվան պատճառները պարզելու համար դատաբժշկական փորձաքննություն էր նշանակվել: Մահացածից վերցված նմուշներում վարակիչ հիվանդություններ չեն հայտնաբերվել:
Խստագույն միջոցներ կձեռնարկվեն լրատվամիջոցների եւ սոցիալական ցանցերի այն օգտատերերի նկատմամբ, որոնք հասարակության մեջ սխալ կարծիք ձեւավորելու նպատակով կանխամտածված կերպով ոչ ճշգրիտ տեղեկատվություն են տարածել, խոստանում են Ադրբեջանի Գլխավոր դատախազությունում:
 

Մեկնաբանություններ

Համընկնող լուրեր