Տեսանյութ.«Հայաստան» դաշինքի եզրափակիչ հանրահավաքը` Հանրապետության հրապարակում          Տեսանյութ.18 հազար ադրբեջանցի ենք ոչնչացրել, բայց պարտություն կրեցինք, չենք կարողացել նյութականացնել մեր տղաների հերոսությունը       Տեսանյութ. Մեզ համար սա ոչ թե ընտրապայքար է, այլ պետությունը փրկելու հատուկ օպերացիա    

23 հուն 2021 15:55

Բայդենի դեմ «թակարդ են լարում» այս «դաշնակիցները», նրանց շահերից չի բխում Թրամփի հեռանալը

Իրանական Tehran Times թերթն անդրադարձ է կատարել ԱՄՆ-ի և Իրանի միջև առկա լարվածության հնարավոր թուլացմանն ուղղված Իսրայելի մտահոգություններին:


Համաձայն թերթում հրապարակված կարծիքի, Իսրայելի շահերից չի բխում ԱՄՆ-ի նախկին նախագահ Դոնալդ Թրամփի հեռանալը, քանի որ ԱՄՆ-ի և Իրանի միջև հարաբերությունների հնարավոր բարելավումը ձեռնտու չէ Իսրայելին: Հենց Դոնալդ Թրամփի պաշտոնավարման տարիներին է Միացյալ Նահանգները դուրս եկել Իրանի միջուկային համաձայնագրից (Գործողությունների համատեղ համապարփակ ծրագիր (JCPOA)) և Իրանի դեմ «առավելագույն ճնշման» քաղաքականություն սկսել:


Սակայն այս ամենն ավարտվել է 2020 թվականի նոյեմբերին` ԱՄՆ-ի նախագահ Ջո Բայդենի հաղթանակով, ինչն Իսրայելի վարչապետ Բենյամին Նեթանյահուին դրդում է նոր արշավ սկսել` Թեհրանի և Վաշինգտոնի միջև առկա սրացումների հնարավոր թուլացման դեմ:


«Իսրայելն ակնհայտորեն մտահոգված է 2015 թվականին ստորագրված Իրանի միջուկային համաձայնագրին ԱՄՆ-ի հնարավոր վերադարձով», - գրված է թերթում:


Վկայակոչելով հունարի սկզբին Jerusalem Post-ում լույս տեսած հրապարակումը` Իրանի միջուկային ծրագրի արխիվից գողացված փաստաթղթերի մասին, թերթը նշում է` որ իսրայելական «Մոսադ» հետախուզական ծառայությունը զբաղված է Բայդենի վարչակազմին իր կեղծ փաստաթղթերով տպավորելու գործով: Բացի այդ, ըստ Tehran Times-ի, Իսրայելն աշխատել է Պարսից ծոցի արաբական որոշ պետությունների հետ վերջերս իր հարաբերությունների կարգավորումը ներկայացնել որպես նոր գործոն, որը Բայդենը պետք է հաշվի առնի Իրանի վերաբերյալ որոշումներ կայացնելիս:


«Իսրայելը և նրա նոր արաբ դաշնակիցները շարունակում են պնդել, որ Բայդենի վարչակազմը պետք է խորհրդակցի նրանց հետ նախքան համաձայնագրին միանալը», - գրված է թերթում: Ի պատասխան վերոնշյալ երկրների մտահոգությունների, ԱՄՆ-ի պետքարտուղարի թեկնածու Թոնի Բլինկենն ասել է, որ Միացյալ Նահանգների դաշնակիցներն ու գործընկերները կլինեն ԱՄՆ-ի հետ միևնույն կողմում` ավելի երկար և ամուր համաձայնություն փնտրելու նպատակով:


Բայց Բայդենի վարչակազմը պետք է տեղյակ լինի այն թակարդի մասին, որը իր համար լարում են այս «դաշնակիցները»: Բայդենի վարչակազմի կողմից, այդ դաշնակիցներին հանգստացնելու ցանկացած ջանք, ձախողման բաղադրատոմս է, նշում է Tehran Times-ը:


ջ

Մեկնաբանություններ

Համընկնող լուրեր