Ինչպես ստանալ երազած աշխատանքը. մասնագետների 7 խորհուրդ
Շատերը չեն աշխատում այնտեղ, որտեղ ցանկանում են ուղղակի այն պատճառով, որ լուրջ չեն մոտեցել զբաղվածության հարցին: Մասնագետները բացահայտում են գաղտնիքները:
Մտածեք ձեր համացանցային կերպարի մասին
Շատ գործատուներ հետաքրքրվում են ոչ միայն ձեր աշխատանքային ունակություններով, այլև ինչով եք դուք զբաղվում գրասենյակից դուրս: Մինչև նոր աշխատանք փնտրելը հիշեք որտեղ և ինչեր եք դուք գրել վերջին երկու տարիների ընթացքում: Ագրեսիան և անարգանքը կարմիր դրոշակ կդառնան կադրերի բաժնի համար: Այնպես որ, ոչ միանշանակ բովանդակությունը պետք է թաքցնել:
Փոխեք կենսագրականը
Կատարյալ տարբերակ է, երբ ամեն ընկերություն համար իրեն համապատասխան կենսագրական պատրաստեք՝ նշելով հիմնական առավելությունները: Առաջին հերթին նշեք ձեր ունակությունները և առավելությունները, և ոչ թե նախկին աշխատավայրերում ձեր պարտականությունները:
Առաջ մղեք ձեզ
Բացի խոշոր կայքերից, որտեղ կա տեղեկատվություն տարբեր ճյուղերում առկա թափուր աշխատատեղերի մասին, գոյություն ունեն նաև նեղ մասնագիտական կայքեր կամ, նույնիսկ, խմբեր՝ սոցկայքերում և այդտեղ աշխատանք գտնելն ավելի հավանական է: Մասնագետները նաև խորհուրդ են տալիս ստեղծել սեփական էջը, որտեղ կարելի է պատմել ձեր ունակությունների և ցանկությունների մասին: Պետք չէ համարել ձեզ ամենակարող զինվոր և դիմել բոլոր տեղերի համար․ ներկայիս շուկան փնտրում է նեղ մասնագիտական ունակություններ ունեցողներին:
Երևացեք նրանց
Շատ ընկերություններ ունեն խմբեր, բլոգեր, որտեղ քննարկում են տարբեր թեմաներ իրենց գործունեության հետ կապված: Կարող եք ձեզ ցույց տալ որպես մասնագետ՝ պատասխանելով հարցերին և օն-լայն ծանոթություններ ձեռք բերել: Եթե դուք նրանց գիտակ թվաք՝ կարող եք հրավրիվել հարցազրույցի արտահերթ:
Փնտրեք շփման շրջանակում
Եթե դուք շատ եք ցանկանում աշխատել տվայլ ընկերությունում, կարող եք հետաքրքրվել նույն սոցկայքերում ՝արդյո՞ք որևէ մեկը այդտեղ ծանոթ չունի: Շատ հնարավոր է, որ ձեզ նույնիսկ կտան պետքական մարդու կորդինատները:
Այստեղ գալիս է ամենակարևորը՝ ճիշտ նամակ ուղղարկելը: Սկսեք կոկիկ և ավարտեք հարցնելով՝ արդյո՞ք կարող եք դիմել կամ ուղղարկել կենսագրական: Սովորաբար հաճելի, ոչ պարտադրող նամակը լավ տպավորություն է թողնում:
Անցեք հարցազրույց
Եվ այսպես, ձեզ հրավիրել են: Հիշեք «գլուխների որսորդներին» հետաքրքրում է, թե ինչպե՞ս դուք կարող եք օգնել ընկերությանը ձեր աշխատանքով: Ցույց տվեք, որ դուք եք հենց այն մարդը, ում նրանք փնտրում են այդ թափուր տեղի համար:
Մի ամաչեք տալ պատասխան հարցեր, դրանք ցույց են տալիս ձեր հետաքրքրվածությունը և ցանկությունը հասկանալու բոլոր մանրուքները:
Ավարտեք գեղեցիկ
Հանդիպման բոլոր մասնակիցներին նամակներ ուղղարկեք բայց ոչ հերթապահ, այլ տարբեր մանրուքներով և ձևակերպումներով: Գրեք, թե որքան ուրախ կլինեիք դառնալ ընկերության թիմի մասնիկ և կրճատ հիշեցրեք, թե ինչո՞ւ նրանք պետք է ընտրեն հենց ձեզ:
