Փաշինյանը առաջիկայում կկանգնի ճակատագրական երկընտրանքի առաջ՝շարունակե՞լ Հայաստանում մաքրել Ավգյան ախոռները, թե...
Հունիսի 21-ին տեղի ունեցած այդ կարևոր միջոցւսռումից հետո ԵՄ գործընկերության խորհուրդը, ըստ պաշտոնական հաղորդագրության, իր աջակցությունն է հայտնել Հայաստանին կարեւորագույն գրեթե բոլոր ուղղություններով՝ ողջունել է Հայաստանում վերջերս տեղի ունեցած բողոքների խաղաղ բնույթը, որոնք հանգեցրին Սահմանադրության շրջանակում կառավարության ժողովրդավարական փոփոխությանը:
Եվրամիությունը, ըստ նույն հաղորդագրության, ողջունել է Հայաստանի կառավարության հստակ հանձնառությունը պայքարել կոռուպցիայի դեմ եւ այս ուղղությամբ կառավարության ձեռնարկած հստակ գործողությունները, ինչպես նաեւ վերահաստատել է իր աջակցությունը բարեփոխումներին, այդ թվում’ տեխնիկական եւ ֆինանսական օժանդակության տեսքով, ուղղված ժողովրդավարության, օրենքի գերակայության, մարդու իրավունքների պաշտպանության ամրապնդմանը, Հայաստանում բարեկեցության եւ սոցիալ-տնտեսական աճի ավելացմանը:
ԵՄ-ն պատրաստակամություն է հայտնել նաեւ աջակցել Հայաստանին նոր ընտրությունների կազմակերպման եւ դիտարկման հարցում:
ԵՄ-ն իր աջակցությունն է հայտնել նաեւ բազմաթիվ այլ ուղղություններով, այդ թվում՝ վերահաստատել է իր աջակցությունը ԵԱՀԿ Մինսկի խմբի համանախագահների ջանքերին ՝ ուղղված Լեռնային Ղարաբաղի հակամարտության խաղաղ կարգավորմանը:
Գրեթե նույնաբովանդակ հաղորդագրություն Է տարածվել նաեւ Բրյուսելում տոնվող Հայաստանի ԱԳ նախարար Զոհրաբ Մնացականյանի եւ Եվրոպական միության արտաքին գործերի եւ անվտանգության քաղաքականության հարցերով բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինիի հետ հանդիպման մասին, որում ԵՄ դիվանագիտության ղեկավարը աջակցություն Է հայտնել Հայաստանին՝ ինչպես ներքին բարեփոխումների, այնպես Էլ արտւսքին օժանդակության հարցում:
Այլ կերպ ասած՝ ի լրումն թավշյա հեղափոխությունից հետո հղված շնորհավորանքների ու դրանցում ընդգծված քաղաքական աջակցության, երեկ ԵՄ-ն նաեւ ինստիտուցիոնալ մակարդակով է վերահաստատել իր պատրաստականությունը՝ աջակցելու Հայաստանին, որը դիվանագիտական լեզվից թարգմանությամբ կարելի է վերծանել որպես թավշյա հեղափոխությանը, նրա առաջնորդներին ուղղված անվերապահ աջակցություն՝ հեղափոխության հռչակած նպատակներն իրագործելու հարցում: Եվ սա այն դեպքում, երբ հեղափոխությունից հետո Հայաստանի արտաքին քաղաքականությունը, գոնե այցերի ու հայտարարությունների մակարդակում առավելապես ուղղված է եղել դեպի Ռուսաստան, Եվրամիության հետ հարաբերությունների ամրապնդման կարեւորության մասին արձանագրումների մեծ մասն արվել է հայ-ռուսական հարաբերությունների կարեւորության շեշտումից հետո միայն:
Ահա այս պայմաններում, առայժմ միայն Ռուսաստանի ուղղությամբ Հայաստանի տեսանելի քայլերի պայմաններում Եվրամիությունը շարունակում է անվերապահ աջակցություն հայտնել Հայաստանին՝ ինչպես ներքին բարեփոխումների, այնպես էլ արտաքին կւսրեւորագույն խնդրի՝ ԼՂ-ի հիմնահարցի կարգավորման հարցում: Բազմիցս նշել ենք, որ Հայաստանում տեղի ունեցած հեղափոխությունն իր ձեւով եւ բովանդակությամբ, արժեքներով ու սկզբունքներով ամբողջությամբ եվրոպական քաղաքակրթությանը հարիր գործողություն էր, եւ որ դրանով Հայաստանը մեծագույն քայլ կատարեց դեպի արեւմտյան քաղաքակրթական եւ քաղաքական ընտանիք:
Որքան էլ զգուշավորությունից, հիմնավոր ու օբյեկտիվ զգուշավորությունից ելնելով՝ Նիկոլ Փաշինյանի իշխանությունը փորձում է ամենամեծ ուշադրությունը դարձնել հւսյ-ռուսական հարաբերություններին, միեւնույն է, իր իսկ իրականացրած հեղափոխությունը, Հայաստանի ազատագրումը նախկին ռեժիմից՝ իր էությամբ ու ֆունկցիայով հակառուսական գործողություն է եւ այդպես էլ ընկալվում է Կրեմլի կողմից: Հայւսստանը ազատագրած գործիչն ու իշխանությունը չեն կարող այլ կերպ ընկալվել Մոսկվայում, քանի որ ազատ ու ինքնիշխան Հայաստանը Մոսկվայի պլանների մեջ չի մտնում եւ հակասւոմ է նրա կայսերապաշտական գաղափարախոսությանն ու քաղաքականությանը միջազգային ասպարեզում:
Նիկոլ Փաշինյանը, կատարելով ճակատագրական քայլ, առաջիկայում կանգնած է լինելու նույնքան ճակատագրական երկընտրանքի առաջ՝ շարունակե՞լ Հայաստանում մաքրել Ավգյան ախոռները՝ պահպանելով այդ ախոռները սնած ռուսական ազդեցությունը, թե՞ քայլեր, թեկուզ երկարաժամկետ ուղղվածություն ունեցող քայլեր կատարել այդ ազդեցությունից դուրս գալու ու իրականում եվրոպական տիպի պետություն կառուցելու համար՝ արդեն որպես Եվրոպայի լիիրավ անդամ:
Աղբյուրը՝ arenanews.am
