Տեսանյութ. Տեառնընդառաջն ինչ պատգամ ունի նորապսակների համար          ԵՄ-ին անդամակցելու ցանկությունը Հայաստանի սուվերեն իրավունքն է       ԱԺ-ն առաջին ընթերցմամբ ընդունեց ԵՄ-ին ՀՀ անդամակցության գործընթացի մեկնարկի նախագիծը    

Մամուլի Տեսություն / Քաղաքականություն

27 նոյ 2019 10:00

«Հակասական քայլերի» բեռը. ՀԺ

«Հայկական ժամանակ» թերթը գրում է. «ՀՀԿ խոսնակ Էդուարդ Շարմազանովն Անաստաս Միկոյանի ծննդյան օրվա առթիվ ֆեյսբուքյան գրառում է արել, որի իմաստը մոտավորապես սա է՝թեև նրա գործունեությունը «զերծ չի եղել հակասական քայլերից», բայց նա համաշխարհային մակարդակի պետական գործիչ էր, մեծ դերակատարում է ունեցել պատերազմի տարիներին, նրա ջանքերով է հաղթահարվել Կարիբյան ճգնաժամը և այլն, իսկ ստալինյան բռնաճնշումների տարիների իր գործունեության վերաբերյալ էլ հետագայում հենց ինքն է ասել՝ «մենք բոլորս այդ ժամանակ սրիկաներ էինք»:


Գուցե կոնկրետ Շարմազանովի ասածների տողատակում ոչ մի բան էլ չկա, բայց բազմաթիվ հանրապետականներ ակնհայտորեն ցանկանում են, որ հասարակությունը հենց «Միկոյանի օրինակով» գնահատի Սերժ Սարգսյանի գործունեությունը: Իբր՝ այո, նա իր նախագահության տասը տարիներին «զերծ չի եղել հակասական քայլերից» (դե, ասենք, ընտրություններ-բան է կեղծել, կոռուպցիոն համակարգ է կատարելագործել, ընտանիքի անդամներն ահռելի հարստություն են կուտակել և այլն), բայց նա, միևնույն է, բարձր մակարդակի պետական գործիչ էր և շատ բան է արել պետության համար, իսկ «ավել-պակասի համար կներեք՝ այն ժամանակ բոլորն էլ սրիկաներ էին»:
Տողատակերով նման զուգահեռներ անցկացնելը գուցեև տեղին կլիներ, եթե Սերժ Սարգսյանը «հակասական քայլերից» բացի նաև պետական նշանակության ինչ-որ խնդիրներ լուծած լիներ: Չենք ասում՝ Կարիբյան ճգնաժամի մասշտաբի, բայց նախագահության տասը տարիների ընթացքում տարածաշրջանային կամ ներպետական նշանակության ինչ-որ խնդիր լուծել հաստատ հնարավոր էր: Իսկ ի՞նչ խնդիր է լուծել Սերժ Սարգսյանը:


Գուցե ղարաբաղյան խնդի՞րն է կարգավորել, կամ գոնե մի քիչ մոտեցրե՞լ է լուծումը: Ճիշտ հակառակը՝ նրա օրոք ունեցել ենք ապրիլյան պատերազմ, տարածքային կորուստներ, և դա, ի դեպ, երկար ժամանակով ետ է շպրտել բանակցային գործընթացը (Ադրբեջանում հույսեր են արթնացել, թե կարող են հարցը լուծել ռազմական ճանապարհով): Գուցե հայ-թուրքական հարաբերություննե՞րն է կարգավորել: Ճիշտ հակառակը՝ նրա օրոք սկսվել է մի գործընթաց, որի արդյունքում հարաբերություններն ավելի են վատացել: Գուցե արտագա՞ղթն է վերացրել:
Ճիշտ հակառակը՝ նրա նախագահության տասը տարիներին Հայաստանից արտագաղթել է բնակչության 12-13 տոկոսը: Կամ գուցե տնտեսական թռիչքաձև ա՞ճ է ապահովել: Ճիշտ հակառակը՝ նրա օրոք Հայաստանի տնտեսության ոչ ծավալները, ոչ որակն առանձնապես չեն փոխվել, իսկ արտաքին պարտքը մեծացել է մի քանի անգամ:


Փոխարենը՝ «հակասական քայլերի» պակաս չի ունեցել: Քրեաօլիգարխիկ տարրերով հզորացրել է ՀՀԿ-ն ու ընտրություններում «տոկոս խփել», նախագահական երկրորդ ժամկետի ավարտից առաջ փոխել է Սահմանադրությունը, որպեսզի երկրի միանձնյա ղեկավարումը շարունակի արդեն որպես վարչապետ, ու այդպես էլ արել է (պարզապես դա ընդամենը մի քանի օր է տևել), քաղաքական դաշտում ներդրել է «հաճախորդների ինստիտուտը» ու խորացրել «գաղջը»… Ակնհայտ է, չէ՞, որ այս քայլերից որևէ մեկը պետական շահի հետ որևէ կապ չունի և պետական գործչի արած չէ:
Սրանք քաղաքական գործչի քայլեր են, ընդ որում՝ այնպիսի գործչի, որի միակ նպատակը սեփական իշխանությունը պահպանելն ու ամրապնդելն է՝ ցանկացած գնով: Քաղաքական գործչի, որի թիմակիցները նրա տասնամյա գործունեությունից ընդամեն ըերկու «նվաճում» են կարողանում ներկայացնել՝ Հայաստանում իր անունով գրանցված անշարժ գույք չունի, մեկ էլ՝ իշխանությունից հեռացել է առանց արյուն թափելու:
Զավեշտն այն է, որ այդպիսի առաջնորդ ունեցող ուժն այսօր խոսում է իշխանություններին հրաժարական պարտադրելու և արտահերթ ընտրությունների մասին: Երևի նրանց թվում է՝ մարդիկ մոռացել են իրենց «հակասական քայլերը»: Չեն մոռացել:
Հ. Գ. Եվ, ի դեպ, սուտ է, որ «այն ժամանակ բոլորն էլ սրիկաներ էին»: Իշխանության ներսում՝ գուցե, բայց դա արդեն այդ տարիների իշխանությունների խնդիրն է»:
Առավել մանրամասն՝ թերթի այսօրվա համարում:

  • Մեկնաբանություններ: 0

Մեկնաբանություններ


Համընկնող լուրեր

  • Ղարիբաշվիլին հանդես է եկել սենսացիոն հայտարարությամբ. նա իրենից անկախ, նաև հայկական իրականությունը բաժանեց մի քանի մասին Ղարիբաշվիլին հանդես է եկել սենսացիոն հայտարարությամբ. նա իրենից անկախ, նաև հայկական իրականությունը բաժանեց մի քանի մասին
  • ՈՒ ոչ մի շնորհավորանք Տեր- Պետրոսյանի ծննդյան առիթով՝ ո՛չ Փաշինյան, ո՛չ Քոչարյանն, ո՝չ Սերժ Սարգսյան ՈՒ ոչ մի շնորհավորանք Տեր- Պետրոսյանի ծննդյան առիթով՝ ո՛չ Փաշինյան, ո՛չ Քոչարյանն, ո՝չ Սերժ Սարգսյան
  • Ներքաղաքական ճղճիմ շահ, դա ոտից գլուխ կեղծիք է․ Շարմազանովը՝ Սամվել Բաբայանի հայտարարության մասին Ներքաղաքական ճղճիմ շահ, դա ոտից գլուխ կեղծիք է․ Շարմազանովը՝ Սամվել Բաբայանի հայտարարության մասին
  • Քննության կենթարկեն նաեւ Սերժ Սարգսյանի ընտանիքի ղեկավարած կոռուպցիոն համակարգը.Խաչատրյանների դե յուրե փայաբաժնի մի մասի սեփականատերը հենց Միքայել Մինասյանն է Քննության կենթարկեն նաեւ Սերժ Սարգսյանի ընտանիքի ղեկավարած կոռուպցիոն համակարգը.Խաչատրյանների դե յուրե փայաբաժնի մի մասի սեփականատերը հենց Միքայել Մինասյանն է
  • Կգա ժամանակը կտեսնենք, թե ամենամեծ հեղինակություն ունեցող ղեկավարն ով է եղել, հպարտանում եմ, որ համարվել եմ Սերժ Սարգսյանի ընկերը Կգա ժամանակը կտեսնենք, թե ամենամեծ հեղինակություն ունեցող ղեկավարն ով է եղել, հպարտանում եմ, որ համարվել եմ Սերժ Սարգսյանի ընկերը
  • Դուք դեռ երանի եք տալու Սերժ Սարգսյանի կառավարման տարիներին.Նա ով փաստարկներ չունի, խոսում է հայհոյանքի և ճղճղոցների ձևով Դուք դեռ երանի եք տալու Սերժ Սարգսյանի կառավարման տարիներին.Նա ով փաստարկներ չունի, խոսում է հայհոյանքի և ճղճղոցների ձևով
  • Հակասական դիրքորոշումներ եմ տեսնում Հայաստանի ներսում,ինչու արտգործնախարարը հերքեց Փաշինյանի դիրքորոշումը Հակասական դիրքորոշումներ եմ տեսնում Հայաստանի ներսում,ինչու արտգործնախարարը հերքեց Փաշինյանի դիրքորոշումը
  • Երկու շաբաթ անց Սերժ Սարգսյանը հրաժեշտ կտա նախագահի պաշտոնին. տասը տարիների աղետալի արդյունքները. «Ժողովուրդ» Երկու շաբաթ անց Սերժ Սարգսյանը հրաժեշտ կտա նախագահի պաշտոնին. տասը տարիների աղետալի արդյունքները. «Ժողովուրդ»
  • ԱԺ-ում արշալույսներն այնքան էլ խաղաղ չեն. Ինչու լեզու չեն գտնում Արա Բաբլոյանը, Էդուարդ Շարմազանովն ու Արփինե Հովհաննիսյանը.«Իրատես». ԱԺ-ում արշալույսներն այնքան էլ խաղաղ չեն. Ինչու լեզու չեն գտնում Արա Բաբլոյանը, Էդուարդ Շարմազանովն ու Արփինե Հովհաննիսյանը.«Իրատես».